Pytańnie ab tym, jak nie dapuścić udziełu Pucina ŭ najbujniejšaj mižnarodnaj sustrečy, surjozna turbavała jeŭrapiejcaŭ i amierykancaŭ. Jany kazali pra toje, što nie chacieli b apynucca z haspadarom Kramla za adnym stałom, ale i admaŭlacca z-za jaho ad udziełu ŭ važnym mierapryjemstvie taksama nie chacieli.
Pieršapačatkova prezident Indanezii Džoka Vidoda paklikaŭ na pieršy paśla pačatku vajny samit «Dvaccatki» i Pucina, i Zialenskaha. Ale siońnia stała viadoma, što Pucina na Bali ŭsio ž nie puściać.
Premjer-ministr Italii Maryjo Drahi zajaviŭ žurnalistam, što ŭłady Indaniezii nie dazvolać Pucinu paŭdzielničać u samicie 15-16 listapada:
«Džoka Vidoda kateharyčna vyklučyŭ udzieł prezidenta Rasii ŭ «Dvaccatcy», Pucin nie pryjedzie», — skazaŭ Drahi na pres-kanfierencyi paśla zaviaršeńnia samitu «Siamiorki».
Vidać, heta adbyłosia paśla taho, jak zachodnija lidary asabista pahutaryli ź Vidoda, zaprošanym na samit «Siamiorki» ŭ jakaści hościa, i znajšli arhumienty, čamu na Bali lepš abyścisia biez Pucina.
