Fota: AR

Fota: AR

Šakira i Pikie paznajomilisia ŭ 2010 hodzie ŭ Madrydzie pierad futbolnym čempijanatam śvietu ŭ PAR. Kałumbijka była muzykalnym tvaram turniru, Pikie — abaroncam ispanskaj zbornaj. Hulca zaprasili paŭdzielničać u zdymkach klipa na pieśniu Šakiry Waka Waka — aficyjny himn čempijanatu, i paśla zdymak jon paprasiŭ u Šakiry numar telefona.

Spačatku śpiavačka i Pikie prosta pierapisvalisia. Jon raskazvaŭ joj pra toje, jak hulaje ispanskaja zbornaja, i abiacaŭ vyjści ŭ finał čempijanatu śvietu, kab iznoŭ pabačyć dziaŭčynu. Hulec nie zmaniŭ.

Na toj čas Šakira bolš za 10 hadoŭ sustrakałasia z Antonia de ła Rua, synam eks-prezidenta Arhienciny, Pikie ž kala hoda byŭ u adnosinach z aktrysaj Nuryjaj Tomas. U pačatku 2011 hoda jak adny, tak i druhija adnosiny skončylisia, i viasnoj taho ž hoda Šakira i Pikie narešcie abviaścili pra svoj raman.

Šakira i Pikie na scenie padčas kancerta zorki ŭ Barsiełonie, maj 2011 hoda. Fota: AR

Šakira i Pikie na scenie padčas kancerta zorki ŭ Barsiełonie, maj 2011 hoda. Fota: AR

Šakira dziela siamji na niekalki hadoŭ achviaravała karjeraj i admoviłasia ad vialikich hastrolnych turaŭ. U 2013 hodzie jana naradziła ad Pikie syna Miłana, jašče praz dva hady źjaviŭsia druhi chłopčyk, Saša. Niekali śpiavačka ŭvohule dumała syści z prafiesii, ale ciapier užo były kachany jaje pieraŭpeŭniŭ: «Žerar skazaŭ, što dazvolić mnie syści z muzyki, kali mnie nie budzie što skazać, a pakul ja pavinna rabić toje, što lublu. Jon mieŭ racyju, ja prosta spužałasia».

Ale ž i Pikie adčuŭ na sabie ŭpłyŭ adnosin z Šakiraj. Za sumiesnyja foty z kachanaj na jaho złavaŭsia tahačasny trenier «Barsiełony» Chasep Hvardyoła. Koŭč nie acaniŭ zdymki z raftynhu (spłavu pa hornaj race): uspryniaŭ heta jak niepatrebnuju ryzyku dla zdaroŭja dy jašče i złavaŭsia, što para apublikavała tyja foty. Anałahična Hvardyoła adreahavaŭ na zdymki z pajezdki na hidracykłach u Majami. U vyniku, jak skončyŭsia adpačynak, Pikie nie trapiŭ u asnoŭny skład kamandy na važnuju hulniu Lihi Čempijonaŭ suprać «Bajera».

Japonski internet-mahazin Rakuten, što ciapier spansuje «Barsiełonu», pačaŭ supracoŭničać z kłubam šmat u čym praź Pikie i Šakiru. Na sumiesnaj viačery jany paznajomili bosa kampanii i prezidenta «Barsy» Žazepa Bartamieŭ.

Adnojčy Šakira raspaviała ŭ intervju, što adnosiny ź Pikie jašče i paŭpłyvali na jaje vieru: «Mnie zdajecca, isnavańnie Boha možna dakazać tolki praź luboŭ. Ja sama na niejki čas straciła vieru ŭ jaho. Ja stała ahnostykam. I heta było sapraŭdy ciažka, bo ja zaŭsiody była relihijnym čałaviekam, ale na praciahu niekalkich hadoŭ, niachaj heta hučyć banalna, ja nie adčuvała lubovi i pačała dumać, što Boha niama. I raptam ja sustrakaju Žerara, i źjaŭlajecca sonca».

Klip Šakiry z udziełam Žerara Pikie

Viadoma, što Pikie zabaraniŭ Šakiry zdymacca ŭ haračych klipach z mužčynami. U 2014 hodzie śpiavačka vypuściła sumiesny rolik z Ryjanaj, jaki nijak nie nazavieš ścipłym, i dla zdymkaŭ u im navat brała dazvoł u Pikie. Jana apisvała heta tak: «Adzinym čałaviekam, jakomu jon moh by dazvolić dakranucca da majho ściahna, była Ryjana».

U kachanych časta pytalisia, čamu ž jany dahetul nie biaruć šlub. Kali vieryć Šakiry, suprać hetaha vystupała jana sama: «Ja nie chaču, kab Žerar bačyŭ uva mnie žonku. Ja chaču, kab jon bačyŭ mianie svajoj dziaŭčynaj, kachankaj, maleńkim zabaronienym płodam, razumiejecie? Ja chaču trymać jaho ŭ napružańni. Ja chaču, kab jon dumaŭ, što ŭsio mahčyma, u zaležnaści ad pavodzin. U nas užo jość samaje hałoŭnaje — naš sajuz, kachańnie adno da adnaho i dzieci. Šlub heta nie źmienić. Ale kali ja kali-niebudź i vyjdu zamuž, to dakładna za Žerara».

Sam Pikie jašče viasnoj 2018 hoda kazaŭ pra šlub: «Ja ŭpeŭnieny, što ŭ bližejšaj budučyni my abaviazkova paženimsia».

Dyk što ž zdaryłasia z paraj?

Padčas ramanu zorak ispanskija i kałumbijskija miedyja časta pisali, nibyta para hatovaja razyścisia. Siarod pryčyn nazyvali zdrady Pikie, u tym liku i mierkavanyja adnosiny z byłoj dziaŭčynaj Nuryjaj Tomas. Jašče adnoj prablemaj pary ličyli roźnicu va ŭzroście, bo Šakira starejšaja za Pikie na 10 hadoŭ.

Niekalki miesiacaŭ tamu śpiavačka pierastała publikavać u sacsietkach sumiesnyja zdymki ź Pikie, jana taksama pajechała ŭ adpačynak biez kachanaha. I narešcie ŭ pačatku červienia ispanskija miedyja aharošyli navinoj: Šakira i Žerar Pikie razychodziacca.

Šakira i Pikie na matčy čempijanatu śvietu pa baskietbole, 9 vieraśnia 2014 hoda. Fota: AR

Šakira i Pikie na matčy čempijanatu śvietu pa baskietbole, 9 vieraśnia 2014 hoda. Fota: AR

Mierkavanaja pryčyna rasstavańnia — zdrada hulca «Barsiełony»: Šakira nibyta zastała jaho ź inšaj žančynaj prosta ŭ ich domie. Pieršapačatkova ličyli, što razłučnica — mama 17-hadovaha Havi, paŭabaroncy «Barsy». Ale potym vyśvietliłasia, što nasamreč razmova idzie pra błandzinku, jakoj krychu za 20. Dziaŭčyna vučycca va ŭniviersitecie i pracuje viadučaj na mierapryjemstvach.

Vyhladaje, što byłyja kachanyja nie źbirajucca zachoŭvać dobryja adnosiny pamiž saboj. Šakira źbirajecca vyjechać u Majami z Katałonii, dzie jana žyła razam ź Pikie i ich synami, i zabrać dziaciej z saboj. Chacia para i nie była ŭ šlubie, śpiavačka nie moža zabrać dziaciej biez dazvołu ich baćki, i hulec nie źbirajecca jaho davać. Jon žadaje stać zakonnym apiekunom Miłana dy Sašy.

Bolš za toje, kažuć, što Šakiru surjozna razzłavała zdrada Pikie i ciapier jana žadaje adpomścić futbalistu za ŭsio. Insajdary tłumačać heta tak: «Jana zrazumieła, što nie viedała mužčyny, ź jakim žyła. Jana nie źbirajecca spyniacca. Jana hatovaja na ŭsio. Joj było nie pryvykać da flirtu Pikie ź inšymi dziaŭčynami, ale jana nikoli nie dumała, što jon zdradžvaŭ joj. Jana choča sabrać kozyry. Ciapier u jaje jość ludzi, jakija šukajuć infarmacyju i składajuć padrabiaznuju spravazdaču pra Pikie i jaho pavodziny».

Kali ŭ Šakiry atrymajecca znajści adpaviedny kampramat na mužčynu, heta moža nie tolki pazbavić jaho mahčymaści žyć razam ź dziećmi, ale i razburyć jaho karjeru. U śpiavački i Pikie napieradzie doŭhija sudovyja sprečki, i jany ŭžo pačali da ich rychtavacca. Pikie źviarnuŭsia da advakata Tambarera Abahadasa, jaki zajmajecca razvodami, Šakiru ž budzie abaraniać siamiejny juryst Piłar Mane.

Tyja, chto dobra viedaje kałumbijku, kažuć, što Pikie nažyŭ siabie niepažadanaha voraha. U futbalista i tak nie ŭsio hładka: miedyja pišuć, što Chavi, hałoŭny trenier «Barsiełony», źbirajecca rabić staŭku na bolš maładych abaroncaŭ, čym Pikie, a kiraŭnictva kłuba patrabuje ad hulca pahadzicca na źnižeńnie zarobka.

Z reputacyjaj u Pikie taksama prablemy, i sprava navat nie ŭ zdradach kachanaj dy ŭ zahułach. U krasaviku stała viadoma, što Pikie spryjaŭ praviadzieńniu Supierkubka Ispanii ŭ Saudaŭskaj Aravii. Za heta kampanija Kosmos, padkantrolnaja Pikie, nibyta pavinna była atrymać 24 miljony jeŭra.

Były muž Brytni Śpirs sprabavaŭ sarvać jaje viasielle

Chočacie ažyvić staroje kachańnie? Chutka dla hetaha chopić niekalkich tabletak

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?