U 140-hadavinu z dnia naradžeńnia vialikaha biełaruskaha pieśniara Janki Kupały jaho pamiać ušanujuć u radaškovickim kaściole, dzie jon byŭ achryščany, paviedamlaje catholic.by.
Fest, jak zvyčajna, raspačniecca śviatoj Imšoj a 10-j hadzinie. Jaje ŭdzielniki pamolacca ab viečnym žyćci dla Jana Łuceviča — słavutaha paeta Janki Kupały.
Paśla Eŭcharystyi pačniecca muzyčnaja prahrama, składzienaja z kłasičnych tvoraŭ. Padčas imšy i muzyčnaj častki festu ŭ kaściole budzie hučać całkam adnoŭleny arhan XIX stahodździa.
Probašč radaškovickaj parafii ksiondz kanonik Jury Bykaŭ ad imia miascovych viernikaŭ, kupałavych ziemlakoŭ, zaprašaje ŭsich achvotnych supolnaj malitvaj ušanavać pamiać słavutaha pieśniara.
