Usiaho praź niekalki dzion paśla napadu Rasii na Ukrainu, kali ŭsio bolš uciekačoŭ prybyvała ŭ Polšču, ukrainskija mužčyny źjazdžali ŭ zvarotnym kirunku. Heta ludzi, jakija pracavali abo vučylisia ŭ Polščy.

Polski rynak pracy heta adčuŭ.

Asabliva ŭ takich halinach, jak budaŭnictva i transpart.

Pa danych analityčnaha centra Mižnarodnaha ahienctva pa pracaŭładkavańni Gremi Personal, deficyt mužčyn na rynku pracy Polščy, jaki staŭ vidavočnym z pačatku vajny, praciahvaje paharšacca. Heta taksama pryvodzić da pavyšeńnia stavak zarabotnaj płaty ŭ halinach, dzie patrabujecca mužčynskaja rabočaja siła.

Analiz pakazvaje, što kolkaść prapanoŭ pa pracaŭładkavańni dla mužčyn raście. Ciapier u Gremi Personal ich na 40% bolš, čym tydzień tamu. Heta tyčycca jak kvalifikavanych, tak i niekvalifikavanych rabotnikaŭ. Kali raniej heta byli ŭ asnoŭnym budaŭničy siektar, transpart i łahistyka, to ciapier zakranutyja ŭsie haliny.

U jakaści vychadu ź situacyi Gremi Personal prapanuje klijentam pryciahvać rabotnikaŭ z Azii, u pryvatnaści z Kazachstana, Uźbiekistana i inšych krain: jany havorać pa-rusku i adnosna lohka mohuć zamianić ukraincaŭ. Adnak samaj vialikaj ciažkaściu źjaŭlajecca doŭhaje čakańnie takich rabotnikaŭ. Na kazachaŭ i ŭźbiekaŭ nie raspaŭsiudžvajecca dziejańnie studzieńskaj papraŭki da Zakona ab inšaziemcach, i ich pracaŭładkavańnie źviazanaje z administracyjnymi barjerami. Praces vydačy pracoŭnych viz zajmaje niekalki miesiacaŭ, i pracent admovaŭ pa ich vysoki.

Miž tym, polskija kampanii sprabujuć pracaŭładkavać u Polščy mužčyn z Ukrainy, jakija zastalisia tut paśla pačatku vajny. Pa słovach pradstaŭnika Gremi Personal, za apošni miesiac staŭki vyraśli na 15%. Niekvalifikavanyja rabočyja-mužčyny atrymlivajuć ad čatyroch tysiač złotych na ruki (800 jeŭra), kvalifikavanyja — jašče bolš. Kankurencyja siarod ich vielmi vysokaja, tamu staŭki buduć raści i dalej.

Клас
8
Панылы сорам
1
Ха-ха
2
Ого
1
Сумна
0
Абуральна
1