Skrynšot: videa BT

Skrynšot: videa BT

Prapahandysty padajuć usio tak, nibyta ŭłady vyrašyli prosta adpuścić baćku i syna: «A navošta Kuźniečyki nam? Jak akazałasia, abuzaj jany byli dla šviedaŭ, nu a ciapier niachaj Łatvija nachodzić prymianieńnie čarhovym biehłym, jaduć jany šmat», — abhruntoŭvaje rašeńnie viadučaja.

Heta hałoŭny pasył siužeta na TB — my usioviduščaje voka, i biez našaj admaški dva biełarusy, jakija prachodziać pa kryminalnaj spravie (artykuł 364 KK — hvałt ci pahroza jaho prymianieńnia ŭ dačynieńnia da supracoŭnika ŭnutranych orhanaŭ), nie zmahli b źbiehčy z krainy navat pad prykryćciom dypłamataŭ.

Vital i Uładzisłaŭ Kuźniečyki. Fota: Andrej Stronin, «Zierkało»

Vital i Uładzisłaŭ Kuźniečyki. Fota: Andrej Stronin, «Zierkało»

Hałoŭnyja hieroi siužeta Uładź i Vital Kuźniečyki sustreli novuju viersiju z tłumačeńniem paśpiachovaści ich uciokaŭ sa śmiecham:

«My śmiajalisia ŭ łahiery pa niekalki razoŭ, pierahladajučy siužet», — prakamientavaŭ «Našaj Nivie» Uładź Kuźniečyk.

«Nasamreč, ja viedaju ad znajomych, što ciełaruchi nieviadomych ludziej kala šviedskaj ambasady ŭ Minsku, dzie my žyli hod i dzieviać miesiacaŭ, pačalisia tolki paśla našaha pieršaha intervju ŚMI — paśla našaj sustrečy sa Śviatłanaj Cichanoŭskaj. Niekalki dzion tam nieviadomyja ludzi vakoł kružyli, ja viedaju heta ad pravieranaj krynicy, ale nie mahu kazać ad kaho dakładna, kab nie naškodzić. To-bok, słužby daviedalisia, što my zdoleli z baćkam uciačy za miažu, pačytali pra heta ŭ miedyja, pahladzieli videaintervju, daviedalisia adtul padrabiaznaści i na asnovie hetaha źniali ŭžo siužet dla biełaruskaha telebačańnia, — miarkuje Uładź. — Jany pierahledzieli zapisy z kamier videanazirańnia, schamianuŭšysia. Ale ž bačna, što jany kamientary pra toje, što sočać za nami — nakłali na ŭsio videa paśla.

Nijakaj śležki za nami nie było zaŭvažana: kali jana była, to čamu jany nie pakazali, kudy my dzielisia z mašyny? Jašče śmiešna, što tam źjaŭlajucca turystyčnyja dyvanočki: u nas takich nie było, my vyjazdžali vyklučna z zaplečnikami, ježaj na try dni i źmiennym adzieńniem.

Kali b biełaruskija ŭłady chacieli nas sapraŭdy adpuścić, to zrabili b heta raniej: pasoł Šviecyi pad kaniec 2021 i ŭ pačatku 2022 hoda niekalki razoŭ jeździła ŭ MZS Biełarusi, prasiła, kab nam dazvolili vyjechać z krainy z humannych mierkavańniaŭ: dla miedycynskaha abśledavańnia i lačeńnia. U MZS admovili: skazali što my złačyncy, kryminalniki».

Zaraz Uładź i Vital Kuźniečyki źbirajuć hrošy na svajo ŭładkavańnie i lačeńnie ŭ Łatvii: pakul jany nie atrymali status biežancaŭ, jany nie mohuć pracavać. Kožny žadajučy moža padtrymać siamju, zadanaciŭšy na ich miedabśledavańnie i ježu z žytłom pa spasyłcy.

Čytajcie taksama:

«Znajomy pisaŭ: idzi prasi prabačeńnia, prybiary svoj honar, a to siadziš u ambasadzie». Kuźniečyki, jakija ŭciakli ź Biełarusi, raskazali i pakazali, jak žyvuć ciapier

Клас
20
Панылы сорам
3
Ха-ха
37
Ого
1
Сумна
0
Абуральна
2