Jon rastłumačyŭ, što ich hniazdo razburyłasia i jany zvalilisia z vyšyni. Adno z ptušaniat było traŭmavanaje — u jaho złamanaja łapka. U inšaha zaŭvažnych paškodžańniaŭ nie było, ale jon vidavočna pakutavaŭ ad nastupstvaŭ padzieńnia z vyšyni. Mužčyna taksama bajaŭsia, što paranienych ptušaniat mohuć zahryźci sabaki.

«Vy ž usio viedajecie, padkažycie, jak im dapamahčy», — skazaŭ čytač vydańnia, dy atrymaŭ nieabchodnuju infarmacyju.

Da momantu, pakul u viosku pryjechaŭ karespandent «Kurjera», apiekavacca ptuškami ŭziaŭsia Pavieł.

Jon źmiaściŭ ptušaniat u dvor doma, pobač ź jakim znachodzicca hniazdo, kab jany byli ŭ biaśpiecy. Pavieł rastłumačyŭ, što, mabyć, hniazdo razmyła daždžom. Ź jaho vyvalilisia try ptušaniaty. Adno ź ich raźbiłasia i zahinuła adrazu, u druhoha adkryty pierałom łapy, treciaje taksama paškodziła łapu — kulhaje, ale chodzić samo.

Pavieł atrymaŭ paradu ad Tamary Kalady, dyrektara Słuckaha ekołaha-bijałahičnaha centra navučencaŭ, kupiŭ u kramie kilku, kab pakarmić samaha słaboha busła. I pieryjadyčna jon prychodzić napaić žyviołu.

Druhomu, jak raskazaŭ Pavieł, baćki ptušaniat, mabyć, prynosiać ježu sami.

Busłu, u jakoha adkryty pierałom, apracavali ranu i nakłali paviazku.

Pavieł praciahvaje dahladać ptušak, jak moža. Kali vy hatovyja dapamahčy, možacie pryjechać u viosku Haradzišča na vulicu Zialonuju, dzie znachodzicca hniazdo.

Adno ptušania moža pierasoŭvacca samastojna

Adno ptušania moža pierasoŭvacca samastojna

Inšaja ptuška nie moža pierasoŭvacca. Pavieł poić ptušania vadoj

Inšaja ptuška nie moža pierasoŭvacca. Pavieł poić ptušania vadoj

Łapu busła padviazali. Pierałom adkryty i łapu ŭžo nie vyratavać

Łapu busła padviazali. Pierałom adkryty i łapu ŭžo nie vyratavać

U dvary doma

U dvary doma

Baćki pieryjadyčna hučna klakočuć, kab pryciahnuć uvahu svaich ptušaniat

Baćki pieryjadyčna hučna klakočuć, kab pryciahnuć uvahu svaich ptušaniat

Клас
7
Панылы сорам
0
Ха-ха
0
Ого
0
Сумна
17
Абуральна
1