Vyrašana, što Jeŭrabačańnie ŭ nastupnym hodzie projdzie ŭ Brytanii. Pa praviłach konkursu, jaho prymaje ŭ siabie taja kraina, čyje pradstaŭniki vyjhrali Jeŭrabačańnie papiaredniaha hoda. U 2022 hodzie pieramohu prysudzili ŭkrainskaj hrupie Kalush Orchestra.
Jašče ŭ červieni arhanizatary Jeŭrabačańnia sa škadavańniem kanstatavali, što pravieści konkurs u krainie, dzie idzie poŭnamaštabnaja vajna, nie atrymajecca. Z tych časoŭ išli pieramovy ź Vialikabrytanijaj: brytanski kalektyŭ zaniaŭ druhoje miesca na konkursie.
Pradstaŭniki Jeŭrapiejskaha viaščalnaha sajuza padkreślili, što pieramoha Ukrainy pavinna być u poŭnaj miery adlustravana padčas konkursu budučaha hoda.
Pakul nieviadoma, jaki horad Vialikabrytanii budzie prymać Jeŭrabačańnie. Cikavaść užo vykazali Hłazha i Mančester. Harady pavinny buduć dakazać, što ŭ ich jość patrebnyja dla praviadzieńnia konkursu ŭmovy, i prajści praceduru tarhoŭ. Arhanizavać i tranślavać vystupy budzie Bi-bi-si.
