Spravu razhladaŭ staršynia suda Bresckaha rajona Siarhiej Maručak, jaki nie raz vynosiŭ palityčna matyvavanyja prysudy.
Viadoma, što abvinavačanamu 30 hadoŭ. U vinu Vasilu Čychu staviać toje, što 16 sakavika hetaha hoda ŭ adnym z publičnych vajbier-čataŭ, jaki abjadnoŭvaje rabotnikaŭ vahonnaha depo Bresta, jon «raźmiaściŭ videazapis z zahadzia iłžyvymi źviestkami ab ekanamičnym i sacyjalnym stanoviščy Respubliki Biełaruś».
Padrabiaznaściaŭ z zały suda amal niama. Viadoma tolki, što padčas sudovaha pasiadžeńnia abvinavačany pryznaŭ svaju vinu i raskajaŭsia.
U vyniku sud pryznaŭ Vasila Čycha vinavatym va ŭčynieńni złačynstva pavodle art. 369-1 KK «Dyskredytacyja Respubliki Biełaruś», pakaraŭšy jaho 1,5 hoda pazbaŭleńnia voli biez štrafu z adbyvańniem pakarańnia ŭ papraŭčaj kałonii va ŭmovach ahulnaha režymu.
Mabilny telefon, jak pryładu ździajśnieńnia złačynstva, sud pastanaviŭ kanfiskavać na karyść dziaržavy. Prysud nie ŭstupiŭ u zakonnuju siłu, moža być abskardžany i apratestavany ŭ apielacyjnym paradku.
