Patryjach Kirył. Fota UNIAN 

Patryjach Kirył. Fota UNIAN 

U liście Sinoda adznačajecca, što ideałohija sučasnaj RPC utrymlivaje pahrozu nie tolki dla Ukrainy, ale i dla ŭsiaho pravasłaŭnaha śvietu. List ab pryciahnieńni rasijskaha patryjarcha da kananičnaj adkaznaści i pazbaŭleńni jaho patryjaršaha pasadu ŭchvaleny na pasiadžeńni Śviatoha sinoda PCU 27 lipienia i apublikavany na aficyjnaj staroncy Carkvy.

U zvarocie adznačajecca, što 15 sakavika hetaha hoda, u tydzień pravasłaŭja była apublikavanaja dekłaracyja pra «ruski śviet», u jakoj adznačajecca, što «ruski śviet» — heta niepravasłaŭnaja, jeretyčnaja daktryna, blizkaja da vučeńnia etnafiletyzmu, što było asudžana na Kanstancinopalskim sabory 1872 hoda.

«Razam z tym važna razumieć, što ideałohija sučasnaj RPC utrymlivaje pahrozu nie tolki dla Ukrainy, ale i dla ŭsiaho pravasłaŭnaha śvietu… Pačynajučy jak minimum z kastryčnika 2018 hoda ŭsie dziejańni patryjarcha Kiryła padparadkavanyja kankretnaj palityčnaj mecie. Jon imkniecca radykalna pavialičyć prysutnaść RPC za miežami Rasii, maksimalna asłabić Usialenski patryjarchat i hrekamoŭnyja pamiesnyja carkvy i takim čynam naviazać pravasłaŭnamu śvietu hiehiemoniju i dyktat Maskoŭskaha patryjarcha», — havorycca ŭ liście.

Sinod źviartajecca da Varfałamieja z prośbaj: asudzić daktrynu «ruskaha śvietu» i pryznać jaje jeretyčnaj; kvalifikavać dziejańni Patryjarcha Kiryła, jaki adkryta i adnaznačna publična ŭchvalaje i padtrymlivaje vajnu Rasii suprać Ukrainy, i pazbavić jaho prava zajmać Maskoŭski patryjaršy pasad.

Клас
13
Панылы сорам
0
Ха-ха
0
Ого
0
Сумна
0
Абуральна
0