«Naładzić źniešniuju (publičnuju!) kamunikacyju z apanientami ź liku palitsajuźnikaŭ na pastajannaj asnovie ŭ žyvym dyjałohu / kulturnaj dyskusii, — zaklikaje čytač. — Kanfierencyja Novaj Biełarusi — heta moža być tolki zapoźnieny start, ale nie apošniaja kropka.
Bo nie mohuć usie pytańni vyrašycca za niekalki hadzin pry sotniach udzielnikaŭ.
Nie dadajuć kanstruktyvu adkazy pradstaŭnikoŭ Ofisa ŭ styli «sam durny» (Prakopjeŭ, maŭlaŭ, za dva hady ŭsiaho tolki ŭzvod sfarmavaŭ, a ŭžo na armiju kvapicca — Kavaleŭski na «Svabodzie»), «my pracujem, nam nie da razborak, u adroźnieńnie ad…», «krytyka ŭ asnoŭnym biespadstaŭnaja»(Franak na «Svabodzie»), «niama kadraŭ pašyrać kamandu», «miery biaśpieki» i t.d.
Nibyta miery biaśpieki nie dazvalali za dva hady naładzić narmalny publičny dyjałoh nakont šlachoŭ vyjścia z vypraŭleńniem prablem advarotnaj suviazi.
Znoŭ zaŭčora Franak uzhadaŭ čat-bot i tajemnyja sazvony Cichanoŭskaj z aktyvistami.
Mandat u Cichanoŭskaj (jak uvasableńnia sumlennych vybaraŭ dla roznych elektarataŭ!) nie na adnaasobnaje vyrašeńnie pytańniaŭ pa stratehii baraćby z hidraj Pucina i Łukašenki vuzkim kołam nabližanych.
Nahadaju, niekalki štaboŭ i biesprecendentny paŭhadavy pratest naroda dazvolili nabyć Cichanoŭskaj status pierachodnaj asoby nacyjanalnaha lidara i mižnarodnuju lehitymnaść.
A pa słovach Kavaleŭskaha, OSC vybudavaŭ jaje nibyta «z nula».
I, vierahodna, na hetaj padstavie tak «statusna abasobiŭsia».
Imcho, šukać pryčyny ŭ hebni i nibyta zajdrasnych kryŭdziuchach — heta čarhovy raz pierakładać adkaznaść za svaju biezhruntoŭnuju zamknionaść ad zapytaŭ šyrokaha koła pratestava nastrojenych i paciarpiełych za supraciŭ ludziej, a taksama dziejnych palithurtoŭ.
Realna ačarnialnuju dziejnaść asobaŭ kštałtu anošak/Karač/Ahurbaš i t.d. patrebna kansalidavana vykryvać i asudžać va ŭsich ŚMI: pryvodzić fakty paklopaŭ, poŭnaha abiasceńvańnia dasiahnieńniaŭ, bijahrafii (kštałtu «nie śmiešycie maje iskandery» Ahurbaš) i t.p.
A z krytykaj aktyvistaŭ daŭno pačynać narmalna pracavać, biez ahulnych fraz i pieravoda strełak na zajdraśnikaŭ, niepamiernyja ambicyi i łajdakoŭ», — zaklikaje čytač N.
* * *
I dla biełarusaŭ jak supolnaści, i dla kožnaha z nas važna, kab Biełaruś nie stała zonaj maŭčańnia i atupieńnia. Važna, kab my viedali adno pra adnaho i pra supolnaść — čym my žyviom, pra pahrozy i pra nadziei taksama.
Ëść dva sposaby paviedamlać pra važnaje i cikavaje. Možna pisać u naš biaśpiečny @Nasa_Niva_Bot. A možna — asabista tym žurnalistam i redaktaram @Nashaniva, jakich vy viedajecie i jakim daviarajecie (najlepš — u Sihnał abo ŭ Telehram).
Z našaha boku hetyja mesendžary abaronienyja. Ale pilnujciesia, kab u vas samich stajała padvojnaja aŭtentyfikacyja i aŭtamatyčnaje vydaleńnie.
My — vaš hołas. Dapamahajcie nam havaryć.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
