Alaksandr Vučyč

Alaksandr Vučyč

U svajoj pramovie Vučyč paprasiŭ mižnarodnuju supolnaść paŭpłyvać na ŭłady niepryznanaha Sierbijaj, ale pryznanaha značnaj častkaj suśvietnaj supolnaści Kosava, jakija pryniali zakony, što abmiažoŭvajuć pravy sierbaŭ u hetaj krainie.

Rasii sierbski prezident padziakavaŭ za padtrymku. Ale adnačasova padziakavaŭ taksama amierykanskamu pasolstvu i viarchoŭnamu pradstaŭniku Jeŭrasajuza pa mižnarodnych spravach i biaśpiecy Chasepu Barelu.

Taksama Vučyč vykazaŭ nadzieju, što situacyja ŭ Kosavie 1 žniŭnia razradzicca, pieradajuć ŚMI.

Nijakaha abviaščeńnia Kosavu vajny abo «śpiecyjalnaj apieracyi» nie adbyłosia.

«Spadziajusia, što zaŭtra adbudziecca deeskałacyja, i my novymi kampramisnymi rašeńniami damožamsia miru. Jak ja skazaŭ vam siońnia, jak by ni było ciažka, Sierbija budzie zmahacca, kapitulacyi nie budzie. Sierbija pieramoža», — zajaviŭ Vučyč.

Tym časam ZŠA zaklikali ŭłady Kosava adkłaści na miesiac płany pa zamienie pašpartoŭ i numarnych znakaŭ hramadzian na kosaŭskija. Da premjera Kosava Albina Kurci źviarnuŭsia pasoł ZŠA ŭ Kosavie Džef Chavieńjer. Kosaŭskija ŭłady da hetych prapanoŭ prysłuchalisia i pieranieśli terminy z 1 žniŭnia na 1 vieraśnia.

Клас
17
Панылы сорам
8
Ха-ха
2
Ого
4
Сумна
3
Абуральна
1