Uładzimir Vieramiejenka simulavaŭ traŭmy, kab nie pryjazdžać ŭ zbornuju Biełarusi. Fota: vk.com/belarusbasket

Byŭ adzinym biełarusam, jakoha abirali na drafcie NBA

U najmacniejšaj lizie śvietu pradstaŭnikoŭ jakich tolki krain nie brali na pracu — ad Baham da Cudana, ad Tanzanii da Sent-Vinsena i Hrenadzinaŭ. A voś biełarusy ŭ aficyjnych sustrečach na parkiecie tak i nie źjavilisia. Chacia mienavita Vieramiejenka byŭ da hetaha bližej za ŭsio: u 2006 hodzie «Vašynhton» abraŭ jaho pad 48-m numaram u druhim raundzie kirmaša talentaŭ. Adnak mary apynucca ŭ adnoj kamandzie z suśvietnymi znakamitaściami dy zaźziać na tamtejšym niebaschile ŭ forvarda nie było.

Jak pryznavaŭsia sam Vieramiejenka, pa maładości jaho ŭsio zadavalniała ŭ Rasii, dzie byli i fajnyja zarobki, i mahčymaść vieści volnaje žyćcio.

Paśla ž chraničnyja traŭmy dy evalucyja samoj NBA pastavili kryž na pierśpiektyvach zaakijanskaj karjery baskietbalista.

Simulavaŭ traŭmy, kab nie hrać za zbornuju

Napačatku 2000-ch Vieramiejenka ŭ zbornuju pryjazdžaŭ — i dapamahaŭ biełarusam prystojna vyhladać navat na fonie surjoznych jeŭrapiejskich kalektyvaŭ. Adnak abyjakavaść u staŭleńni fiederacyi da Uładzimira pry vyrašeńni bytavych dy arhanizacyjnych pytańniaŭ (u dačynieńni da słužby ŭ vojsku, naprykład) pryviała da kanfliktu. Jak vynik, forvard staŭ ihnaravać vykliki ŭ hałoŭnuju kamandu krainy.

Padčas hulniaŭ za «Bambierh» Vieramiejenka prahnuŭ sustrecca z Łukašenkam dy Pucinym. Fota: brosebamberg.de

Padčas hulniaŭ za «Bambierh» Vieramiejenka prahnuŭ sustrecca z Łukašenkam dy Pucinym. Fota: brosebamberg.de

Pa aficyjnaj viersii, spartsmienu pieraškadžali traŭmy: prynamsi, prablemy sa śpinaj z 18 hadoŭ i da kanca karjery turbavali hamialčanina. Adnak, nadarałasia, miedycynskija abmiežavańni vykarystoŭvalisia tolki jak šyrma, kab Uładzimir moh aficyjna ihnaravać vykliki na zbory.

Mieŭ rasijski pašpart — i z 22 hod karjery 13 pravioŭ u tamtejšych kłubach

Samych hučnych pośpiechaŭ Vieramiejenka damohsia, kali abaraniaŭ kolery kalektyvaŭ z Rasii. U składzie «Dynama» z Sankt-Pieciarburha jon zvajavaŭ załatyja miedali Lihi Jeŭropy FIBA, u 2011-m damohsia trafieja ŭ Jeŭrakubku ULEB pry abaronie koleraŭ kazanskaha UNIKSa, a taksama u šychtach kamandy sa stalicy Tatarstana dvojčy finišavaŭ sa srebram dy bronzaj Adzinaj lihi VTB.

Cikava, što pry pieršym ža prafiesijnym pierajeździe za miažu, kali dałučaŭsia da sarataŭskaha «Aŭtadora» u 2002 hodzie, Uładzimir atrymaŭ rasijski pašpart.

Vidavočna, što rabiŭ heta baskietbalist, kab nie ličycca lehijanieram u tamtejšym pieršynstvie dy abminać z kłubam raznastajnyja limity ŭnutranych dy mižnarodnych turniraŭ. Adnak na radzimie staŭleńnie da hetaha ŭčynka było vyklučna niehatyŭnym, niahledziačy na toje, što za sbornuju Rasii forvard nie moh zhulać navat tearetyčna.

Baskietbalist Vieramiejenka pra adpačynak u Krymie: Dzieci ŭ zachapleńni. Dumaju, jašče raz pryjedziem siudy

Tym nie mienš admova rodnaj zbornaj dy jašče demanstratyŭnaja manipulacyja hramadzianstvam (chaj sabie i spartovym) pryviali da chejtu Vieramiejenki z boku zaŭziataraŭ.

Vučyŭsia na śledčaha-kryminalista

U maładości spartsmien ažno try hady pryśviaciŭ vyvučeńniu śpiecyfiki pracy śledčaha-kryminalista ŭ Sarataŭskim instytucie. Adnak paśla pierachodu ŭ «Spartak» z Sankt-Pieciarburha vučobu forvard zakinuŭ — i z VNU jaho vyklučyli. Ale Uładzimir nie vielmi škadavaŭ z hetaj nahody.

Na jaho dumku, u Biełarusi pa profilnaj śpiecyjalnaści ŭ śledčaha-kryminalista pracy nie było b, bo na radzimie złačynnaść adsutničaje jak źjava.

Tym nie mienš dypłom Vieramiejenka usio ž taki atrymaŭ, choć by sabie ŭ zusim inšaj halinie. U tym ža Saratavie jon skončyŭ miasapierapracoŭčy fakultet sielskahaspadarčaha instytuta. Paśla čaho navat zadumvaŭsia pra ŭłasny biznes pa vyrabie strausinaha miasa.

Chacieŭ sustrecca z Pucinym dy Łukašenkam

Padčas lehijanierskaj karjery ŭ zachodniaj Jeŭropie baskietbalist adznačaŭsia hodnymi vystupami ŭ viadučych pieršynstvach: niamieckaj Bundeślizie, italjanskaj «Sieryi «A», tureckim elitnym dyvizijonie — i navat zavajoŭvaŭ tam trafiei. Naprykład, z «Bambierham» afarmlaŭ załaty dubl (Kubak Hiermanii plus zołata čempijanatu), a z «Redžya Emilijaj» braŭ srebranyja miedali na Apieninach. Akramia taho, Uładzimir šmat času baviŭ na parkietach Jeŭralihi i Jeŭrakubku — topavych kantynientalnych spabornictvach dla kłubaŭ.

Adnak jaho čałaviečyja ŭstanoŭki davoli časta vyklikali siarod jaho prychilnikaŭ nieadnaznačnuju reakcyju — jak minimum u biełaruskaj častki dyjaspary. Naprykład, padčas vystupu ŭ Niamieččynie forvard zapaŭniaŭ asabistuju ankietu z raznastajnymi zabaŭlalnymi pytańniami, jakaja paśla pampavałasia na sajt u adkryty profil hulca.

Dyk voś, na cikavaść kłubnaj pres-słužby, z kim by Vieramiejenka prahnuŭ by sustrecca asabista, spartsmien adkazaŭ «Z Pucinym dy Łukašenkam».

Šeść razoŭ nazyvaŭsia najlepšym baskietbalistam Biełarusi

Niahledziačy na toje, što Maskva stała dla Uładzimira domam — baskietbalist stvaryŭ «siamiejnaje hniazdo» ŭ rasijskaj stalicy jašče ŭ siaredzinie 2000-ch — ź Biełaruśsiu jon całkam nie paryvaŭ. Apošnija hady karjery forvard pravioŭ u składzie baskietbolnaha hiehiemona krainy, minskich «Cmokaŭ». Akramia taho, jon viarnuŭsia ŭ skład nacyjanalnaj zbornaj i navat abiraŭsia jaje kapitanam.

«Cmoki-Minsk» kančatkova pierajmienavalisia ŭ «Minsk». I stvaryli dziŭny łahatyp

Da taho ž proźvišča «Vieramiejenka» rehularna fihuravała ŭ apytańni samaha bujnoha spartyŭnaha ŚMI krainy «Presboł» pry vyjaŭleńni najlepšaha hulca krainy. Śpiecyjalisty, hulcy, treniery dy žurnalisty šeść razoŭ abirali forvarda pieramožcam u naminacyi — praŭda, apošnim razam heta nadarałasia ažno ŭ 2007 hodzie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?