Hałoŭny dziaržaŭny sanitarny doktar Alaksandr Tarasienka paviedamiŭ, što ź siońniašniaha dnia dzieci z 5-hadovaha ŭzrostu mohuć prachodzić vakcynacyju kitajskim preparatam Vero Cell.
Raniej pryščaplali z 12 hadoŭ.
Jon rastłumačyŭ, što praviedzienyja ŭ Kitai kliničnyja vyprabavańni dakazali biaśpieku vakcyny dla ciažarnych i dziaciej z troch hadoŭ, ale ŭ Biełarusi vyrašyli pavysić płanku minimalnaha ŭzrostu.
Tarasienka nahadaŭ, što pa prahnozach Ministerstva achovy zdaroŭja novuju chvalu karanavirusa čakajuć u vieraśni.
«Spadziajemsia, što novaja chvala budzie nie takoj intensiŭnaj, jak papiarednija. A zachvorvańnie budzie praciakać pieravažna ŭ lohkaj formie i lačeńnie spatrebicca tolki ambułatornaje», — dadaŭ Tarasienka.