Paviedamleńni pra ŭdar USU pa štabie «vahnieraŭcaŭ» u Papasnaj źjavilisia ŭ niadzielu ŭ rasijskich telehram-kanałach. Apublikavana taksama fota razbureńniaŭ. U tielehram-kanałach «PVK Vahniera» paćviardžajuć ŭdar.
Rasijskija telehram-kanały pryznajuć, što rakieta kompleksu HIMARS trapiła dakładna ŭ samatužnaje bambaschovišča pad zakinutym cahlanym šmatpaviarchovikam, dzie mieścilisia vahnieraŭcy. Tam praciahvajecca razbor zavałaŭ, apublikavanaje fota z zabitymi.
8 žniŭnia pra naviedvańnie hetaha «štaba» napisaŭ rasijski vajenkar Siarhiej Sierada. Jon apublikavaŭ post u telehramie, napisaŭšy: «Pryjechaŭ u Papasnuju, zajechaŭ u štab «PVK Vahnier». Sustreli jak rodnaha. Raspaviali niekalki paciešnych historyj».
Na adnym z fotaŭ Sierady fihuravaŭ i sam Jaŭhien Pryhožyn, były kuchar Uładzimira Pucina, farmalny ŭładalnik «PVK Vahniera», jakaja nasamreč stvoranaja pry Hałoŭnym raźviedupraŭleńni Minabarony Rasii.
Na adnym z fotaŭ była vidać tablička z adrasam najbližejšaha bambaschovišča — Mironaŭskaja vulica, 12.
Infarmacyja ab pryjeździe Vahniera na front spačatku vyklikała entuzijazm u rasijskich ŚMI.
Paviedamleńnie ad 9 žniŭnia ŭ adnym z rasijskich kanałaŭ
Pakul niezrazumieła, chto z kamandziraŭ «Vahniera» zahinuŭ pry ŭdary.
