Biaspłatny dostup da tamponaŭ i prakładak ciapier źjaŭlajecca zakonnym patrabavańniem u Šatłandyi. Ustupiŭ u siłu zakon, jaki abaviazvaje adukacyjnyja i municypalnyja ŭstanovy pradastaŭlać «biaspłatnyja srodki ŭsim, chto maje ŭ ich patrebu». Šatłandyja stała pieršaj krainaj u śviecie, u jakoj dziejničaje taki zakon.
Z 2017 hoda Šatłandyja ŭžo ŭkłała amal 32 miljony jeŭra, kab zabiaśpiečyć dostup da prakładak i tamponaŭ u hramadskich miescach. Najaŭnaść była abaviazkovaj u škołach na praciahu apošniaha hoda, i ciapier jana pašyrajecca. Šatłandyja taksama choča pasłać vyrazny sihnał i vystupić suprać tak zvanaj «mienstrualnaj biednaści». Časam žančyny ŭ jakaści alternatyvy vymušanyja vykarystoŭvać praterminavanyja i ŭžo nieprydatnyja srodki.
Pra hetuju prablemu viadoma ŭ mnohich krainach. Apytańnie, praviedzienaje ŭ 2017 h. arhanizacyjaj pa akazańni dapamohi Plan International, pakazała, što tolki ŭ Vialikabrytanii 10% dziaŭčat i maładych žančyn va ŭzroście ad 14 da 21 hoda nie mohuć dazvolić sabie takoha rodu tavary — jašče 15% majuć finansavyja ciažkaści ź ich nabyćciom.
