Alaksandr Vučyč
U svaim zvarocie da sierbskaha naroda jon zhadaŭ pra mahčymaje skasavańnie ŭ Biełhradzie Jeŭraprajda (mierapryjemstva, jakoje pravodzić ŁHBT), nazvaŭšy hetuju temu «hłupstvam»:
«My prosta abmiarkoŭvajem ŭsialakija hłupstvy, kab nie kazać pra toje, što my budziem rabić z elektraenierhijaj, što my budziem rabić z naftaj, bo paśla listapada rasijskaj nafty dla nas nie budzie praz sankcyi. Zamiest taho, kab havaryć pra haz, pra mazutu, pra vuhal, my havorym pra roznyja hłupstvy», — skazaŭ Vučyč.
Z 1 listapada Biełhrad praz sankcyi JEZ na pastaŭki enierharesursaŭ z Rasii nie zmoža atrymlivać rasijskuju naftu. Jaje dastaŭlajuć u krainu tankierami pa Adryjatyčnym mory, a zatym pa naftapravodzie praz Charvatyju.
Vučyč jašče ŭ kancy červienia zajaŭlaŭ, što rasijskaja ekanomika z-za sankcyj Zachadu suprać Rasii vymušanaja šukać alternatyvu i skardziŭsia, što z-za naftavaha embarha Sierbija budzie hublać 600 miljonaŭ dalaraŭ u hod.
3 červienia Saviet Jeŭrasajuza zaćvierdziŭ šosty pakiet sankcyj suprać Rasii, jaki praduhledžvaje značnaje skaračeńnie impartu rasijskaj nafty.
