Port u Vientśpiłsie. Fota: Staffan Vilcans
Kiraŭnik Asacyjacyi Vajdotas Šylejka adznačyŭ, što raniej Ryha zastałasia bieź vialikaj płyni vuhalu, jaki ciapier pastupova viartajecca. Heta pieravažna vuhal i roznyja rudy, jakija dapamahajuć kampiensavać straty i dajuć stanoŭčy vynik. Padobnuju situacyju nazirajuć i ŭ Vientśpiłsie.
Vajdotas Šylejka kanstatavaŭ, što hruzy z Rasii iduć ciapier praz Łatviju. Pa jaho słovach, u hetaj krainie hruziać tyja tavary, jakija nie traplajuć pad sankcyi, u toj čas jak u Litvie imknucca zusim dystancyjanavacca ad suviaziaŭ z Rasijaj.
Pry hetym Šylejka adznačaje, što Łatvija i Estonija i zaŭsiody aryjentavalisia na tranzit rasijskich hruzaŭ, a ŭ Litvy hetaha i raniej było našmat mienš. Tamu Ryha i Talin, chutčej za ŭsio, ciapier pracujuć ź niepadsankcyjnymi hruzami z Rasii i hruzami z Kazachstana.
