Fota: BiełTA
«Pa stanie na siońniašni dzień arhanizacyi tarfianoj pramysłovaści abjadnańnia «Biełpalivahaz» zdabyli (z pačatku hoda) 2 młn ton torfu. Torfazdabyča idzie apieradžalnymi tempami, na 34% pieravyšajučy pakazčyk minułaha hoda: za anałahičny pieryjad u 2021 hodzie było zdabyta kala 1,4 młn ton», — raskazaŭ Kavaloŭ.
Jon adznačyŭ, što ciapier užo vykanana 87% ad płanu zdabyčy hetaha siezonu, jaki zavieršycca ŭ kastryčniku śviatam «Tarfianyja dažynki». Usiaho ŭ biahučym siezonie płanujecca zdabyć kala 2,3 młn ton torfu, jakija majuć pajści nie tolki na ŭnutranyja patreby, ale i na ekspart.
Raniej ministr ekanomiki Alaksandr Čarviakoŭ zajaviŭ, što Biełaruś budzie skaračać impart karysnych vykapniaŭ. «Našy pradpryjemstvy ŭvoziać karysnyja vykapni z-za miažy, u toj čas jak majecca ŭłasnaja bahataja syravinnaja baza», — adznačyŭ kiraŭnik Minekanomiki, dadaŭšy, što «ŭ biahučych umovach efiektyŭnaje vykarystańnie nietraŭ stanovicca najvažniejšym kampanientam racyjanalnaha impartazamiaščeńnia».
