Što za ataka i jakim čynam jaje ździejśnili?
Twilio, kampanija, jakaja pradastaŭlaje pasłuhi pa praviercy telefonnych numaroŭ dla Signal, padvierhnułasia fišynhavaj atacy. Prykładna dla 1900 karystalnikaŭ złamyśnik moh pasprabavać pierarehistravać ich numar na inšuju pryładu abo daviedacca, što ich numar zarehistravany ŭ Signal. Mierkavanaj, što metaj ataki byŭ niejki kankretny čałaviek — praŭda, nieviadoma, chto jon.
Kampanija paviedamiła hetym karystalnikam pra ŭzłom i paprasiła ich nanova zarehistravać Signal na svaich pryładach.
Što atrymali ŭzłomščyki?
Jany atrymali mahčymaść niejki čas vieści pierapisku ad imia karystalnika.
Jany nie atrymali dostupu da historyi paviedamleńniaŭ, infarmacyi profilu abo śpisaŭ kantaktaŭ.
Historyja paviedamleńniaŭ zachoŭvajecca tolki na pryładzie, i Signal nie zachoŭvaje jaje kopii. Śpisy kantaktaŭ, infarmacyju profilu, śpisy zabłakavanych karystalnikaŭ i mnohaje inšaje možna adnavić tolki z dapamohaj PIN-koda Signal, dostup da jakoha nie byŭ atrymany atakavalščykami.
Jak abaranicca ad takoj ataki na Signal?
Davoli prosta — stvaryć sabie PIN-kod i ŭklučyć zabaronu na rehistracyi. Voś, jak heta zrabić:
- Uvajdzicie ŭ nałady (Signal Settings), pierajdzicie ŭ mieniu Ulikovy zapis (Account), a dalej naciśnicie «Ustanavić PIN-kod» (Create your PIN). Zadajcie pin-kod.
- Dalej uvajdzicie nazad u mieniu «Ulikovy zapis» (Account) i abiarycie punkt «Błakiroŭka rehistracyi» (Registration Lock). Uklučycie błakiroŭku rehistracyi.
Budźcie ŭvažlivyja! Kali vy zabudziecie svoj pin-kod i vyjdziecie ź miesiendžara, to nie zdolejecie ŭ jaho ŭvajści anijakim čynam ci stvaryć nanova akaŭnt ciaham siami dzion, i vypravić heta niemahčyma.
Čytajcie jašče:
Vyjavili novy sposab, kab znajści karystalnika luboha sajta. Raskazvajem, jak ad hetaha abaranicca
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Mnohija VPN źbirajuć danyja i mohuć pieradać ich siłavikam. Raskazvajem, jak ad hetaha abaranicca
