BDU

Niedachop abituryjentaŭ byŭ na fiłałahičnym fakultecie — na śpiecyjalnaściach pa biełaruskaj i słavianskaj fiłałohii. Padali dakumienty 21 čałaviek, a fakultet płanavaŭ uziać na śpiecyjalnaść 30. Paśla abjaŭlaŭsia dadatkovy nabor.

Nie było popytu ŭ Instytut teałohii imia śviatych Miefodzija i Kiryła: płanavali ŭziać 25, padali dokumienty — 17. Taksama, jak i na fiłałahičnyja śpiecyjalnaści, adkryvaŭsia danabor.

Samy ž vysoki konkurs u BDU byŭ tradycyjna na «dyzajn» (kirunak — kamunikatyŭny dyzajn) — 12 čałaviek na miesca.

Najbolšyja prachadnyja bały na biudžet dzionnaj formy navučańnia skłalisia na nastupnych śpiecyjalnaściach:

  • «linhvakrainaznaŭstva» — 385 bałaŭ
  • «mižnarodnyja adnosiny» — 377 bałaŭ
  • «mižnarodnaje prava» — 374 bały
  • «prykładnaja infarmatyka» — 372 bały
  • «rehijonaznaŭstva» — 368 bałaŭ
  • «ekanamičnaja infarmatyka» — 367 bałaŭ
  • «suśvietnaja ekanomika» — 364 bały
  • «bijainžynieryja i bijainfarmatyka» — 358 bałaŭ
  • «infarmatyka» — 354 bały

BDUIR

Bolš za ŭsio zajaŭ u BDUIR padali na śpiecyjalnaść «prahramnaje zabieśpiačeńnie infarmacyjnych technałohij» (fakultet kampjutarnych sistem i sietak). Tudy płanavali ŭziać 53 čałaviek, a pryjšli dakumienty ad 268 (stolki čałaviek paznačyli hetuju śpiecyjalnaść pryjarytetnaj). Tam ža byŭ i samy vysoki prachadny bał — 374, kab trapić na biaspłatnuju formu.

U topie taksama akazalisia kirunki «infarmacyjnyja sistemy i technałohii» (u hulniavoj industryi) z prachadnymi 369 bałami, «infarmatyka i technałohii prahramavańnia» — z 368 bałami, «infarmacyjnyja sistemy i technałohii» (u biznes-mieniedžmiencie) — z 367 bałami.

Praściej za ŭsio było pastupić na «radyjoelektronnyja sistemy» — tudy na biudžet brali z 272 bałami.

Ahułam u BDUIR padali na 10% mienš zajaŭ, čym letaś — 3,6 tysiačy (u 2021-m było 4 tysiačy).

BNTU

Na niekatorych śpiecyjalnaściach tut byŭ niedabor. Naprykład, «traktarabudaŭnictva» płanavali ŭziać 25 čałaviek, u vyniku atrymałasia nabrać tolki 7, na «hidrapnieŭmasistemy mabilnych i technałahičnych mašyn» na 45 miescaŭ było 15 zajavak. Na kirunku «aŭtamatyzavanyja elektrapryvady» nie chapiła dla płanu 30 čałaviek, «vodahaspadarčaje budaŭnictva» — 31 čałaviek, «elektryčnyja stancyi» — 22 čałavieki. Treba skazać, što hetyja kirunki i raniej nie karystalisia papularnaściu.

Samyja vysokija prachadnyja bały ŭ BNTU na biudžet na nastupnych śpiecyjalnaściach:

  • «markietynh» — 346 bałaŭ
  • «mytnaja sprava» — 343 bały
  • «architekturny dyzajn» — 337 bałaŭ
  • «prahramnaje zabieśpiačeńnie infarmacyjnych technałohij» — 337 bałaŭ
  • «mieniedžmient» — 336 bałaŭ
  • «kiravańnie dyzajn-prajektami na pramysłovym pradpryjemstvie» — 336 bałaŭ
  • «biznes-administravańnie» — 333 bały
  • «ekanomika i kiravańnie na pradpryjemstvie» — 332 bały

Akademija MUS i Vajennaja akademija

Tut niedabor na fakultet milicyi hramadskaj biaśpieki. Pry płanie pryjomu 145 čałaviek (kali nie ličyć jašče niekalki miescaŭ dla Minabarony) nabrali 56 zajaŭ. Dla zaličeńnia na biudžet było dastatkova 145 bałaŭ.

Pry hetym achvotnych pajści na fakultet kryminalnaj milicyi i na śledča-ekśpiertny fakultet šmat. Na kirunak «apieratyŭna-vyšukovaja dziejnaść» padali 282 zajavy na 120 miescaŭ. Na «sudova-prakurorska-śledčuju dziejnaść» — 183 na 77. Konkurs — 2,4 čałavieka na miesca.

Letaś konkursy na hetyja kirunki byli nižejšyja — 1,2 i 1,5 čałavieka na miesca adpaviedna.

U Vajennaj akademii, kali hladzieć na ličby ahułam, sioleta niedaboru nie było. Letaś, nahadajem, tam niedaličylisia kala 100 abituryjentaŭ. A pastupić na fakultet vajennaj raźviedki ci ŭnutranych vojsk u 2021-m možna było sa 121 bałam (heta ŭ siarednim pa 30 bałaŭ za atestat i CT). 

Čytajcie taksama: 

Niedabor na biudžet va ŭniviersitety — 490 čałaviek. Miescy zastalisia ŭ Vajskovaj akademii i sielhasakademii ŭ Horkach

«U vykładčykaŭ mienš pafasu, čym u staličnych, jakija sami niekali pryjazdžali ź pieryfieryi». Čamu minčuki pastupajuć va ŭniviersitety ŭ rehijonach

Kolki kaštuje navučańnie ŭ jeŭrapiejskich univiersitetach?

«Vinnaja kala 45 tysiač rubloŭ». Vypuskniki, jakija nie chočuć adpracoŭvać raźmierkavańnie, raskazvajuć, jak šukajuć hrošy 

Клас
14
Панылы сорам
40
Ха-ха
8
Ого
18
Сумна
22
Абуральна
27