«Razumiejučy zakłapočanaść niekatorych dziaržaŭ-členaŭ u hetym kantekście, my nie pavinny niedaaceńvać pieraŭtvaralnuju siłu vopytu žyćcia ŭ demakratyčnych sistemach ź pieršych ruk, asabliva dla budučych pakaleńniaŭ», — havorycca ŭ dakumiencie.
Krainy adznačajuć, što vizy nieabchodna vydavać, u pryvatnaści, studentam, pradstaŭnikam tvorčych prafiesij i vučonym.
Raniej kancler Hiermanii Ołaf Šolc užo vykazvaŭsia ab uviadzieńni vizavych abmiežavańniaŭ na ŭjezd u Jeŭrasajuz dla rasijan. Jon zajaŭlaŭ, što zaraz mnohija zjazdžajuć z Rasii, tamu što jany nie zhodnyja ź dziejańniami rasiejskich uładaŭ. «Usie rašeńni, jakija my prymajem, nie pavinnyja ŭskładniać ucioki ad rasijskich uładaŭ i dyktatury. Heta vajna Pucina, a nie rasijskaha naroda», — skazaŭ Šolc.
Polšča, Estonija, Łatvija, Litva, Słavakija i Čechija zajavili, što płanujuć uvieści abo ŭžo ŭviali abmiežavańni na vydaču viz rasijanam. 10 žniŭnia ŭ ES unieśli na abmierkavańnie prajekt zabarony vydačy šenhienskich viz hramadzianam RF.
