Uładzimir Pucin (źleva) i Ihar Siečyn, kiraŭnik «Rasnafty» i pravaja ruka Pucina.
Krainy «Vialikaj siamiorki» abvieściać pra abmiežavańnie cen na zakupki rasijskaj nafty dla skaračeńnia ekspartnych dachodaŭ Kramla.
Hetuju infarmacyju žurnalistam paćvierdzili vysokapastaŭlenyja čynoŭniki, paviedamlaje Financial Times.
Dla maksimalnaj efiektyŭnaści spatrebicca padtrymka vialikich pakupnikoŭ rasijskaj nafty, nakštałt Indyi.
U zajavie kiraŭnikoŭ Minfinaŭ G7 paćvierdžany i namier uvieści «stol cenaŭ» na rasijski haz, paviedamlajuć zamiežnyja ŚMI sa spasyłkaj na zajavu.
«Krainy G7 zabaroniać strachavańnie i finansavańnie dla pieravozčykaŭ rasijskaj nafty pa cenach, jakija pieravyšajuć ustalavany «paroh», — tak patłumačyŭ dziejańnie miechanizma Minfin Brytanii.
