Telefonnaja razmova pamiž Pucinym i Erdahanam adbyłasia ŭ subotu ranicaj, paćvierdziła administracyja prezidenta Rasii.
ZAES akupavanaja rasijskimi vojskami i pieryjadyčna padviarhajecca abstrełu, u jakich Kijeŭ i Maskva abvinavačvajuć adzin adnaho. U čaćvier na AES pabyvali inśpiektary Mižnarodnaha ahienctva pa atamnaj enierhii, jakija vykazali zaniepakojenaść u suviazi ź biaśpiekaj stancyi, bo jana atrymała paškodžańni.
«Prezident Erdahan zajaviŭ, što Turcyja moža hrać pasiarednickuju rolu ŭ dačynieńni da Zaparožskaj AES, jak heta było ŭ vypadku z zbožžavaj ździełkaj» — cytuje administracyju tureckaha lidara ahienctva Frans Pres.
Raniej Turcyja dapamahła zaklučyć damovu ab razbłakavańni ŭkrainskich čarnamorskich partoŭ. Ukraina i Rasija padpisali z Ankaroj i AAN asobnyja pahadnieńni, dziakujučy jakim ukrainskija sudny z charčavańniem pačali pakidać party i nakiroŭvacca ŭ rehijony śvietu, dzie praz vajnu ŭźnikła pahroza hoładu.
Pra toje, jak mienavita mohuć prachodzić pieramovy ab situacyi vakoł Zaparožskaj AES, ofis prezidenta Turcyi nie kaža. Adnak udakładniaje, što Pucin i Erdahan damovilisia praciahnuć kantakty va ŭźbiekskim Samarkandzie, dzie 15-16 vieraśnia budzie prachodzić samit Šanchajskaj arhanizacyi supracoŭnictva.
Na sajcie Kramla dadzienych ab prapanovie Erdahana niama. Źmiest telefonnaj razmovy administracyja prezidenta Rasii, pieradaje tak: «Zakranuta taksama situacyja va Ukrainie. Redžep Taip Erdahan adznačyŭ kanstruktyŭnuju rolu Rasii ŭ arhanizacyi misii MAHATE na Zaparožskuju AES. Razhledžany chod realizacyi zaklučanaj u Stambule 22 lipienia pry pasiarednictvie prezidenta Turcyi «zbožžavaj ździełki».
Padčas pieramovaŭ prezidentam Ukrainy Uładzimiram Zialenskim u žniŭni Erdahan zajaviŭ, što jaho vielmi chvaluje kryzis na ZAES. «My zakłapočanyja. My nie chočam jašče adnaho Čarnobyla», — skazaŭ tady prezident Turcyi.
nu jakija ž jany ŭsie... "sierdabolnyja"... henyja prezidenty