Sapraŭdnaść spravazdačy ahienctvu Bloomberg paćvierdzili krynicy, znajomyja z chodam abmierkavańnia. Prahnozy ekśpiertaŭ kantrastujuć z aptymistyčnymi zajavami čynoŭnikaŭ. U dakumiencie havorycca, što Rasija moža sutyknucca z bolš praciahłaj i hłybokaj recesijaj praz sankcyi Zachadu, jakija pahražajuć važnym siektaram rasijskaj ekanomiki.
U dakumiencie jość try scenaryi raźvićcia ekanomiki. Pavodle dvuch ź ich, u 2023 hodzie padzieńnie VUP paskorycca, a ekanomika vierniecca na davajenny ŭzrovień tolki ŭ kancy dziesiacihodździa ci paźniej. Treci scenaryj prahnazuje adnaŭleńnie ekanomiki da davajennaha ŭzroŭniu ŭ 2024 hodzie.
Usie pradstaŭlenyja scenaryi prahnazujuć, što sankcyjny cisk tolki ŭzmocnicca. Rezkaja admova Jeŭropy ad rasijskaj nafty i hazu moža stać udaram dla Kramla, havorycca ŭ dakładzie.