«Na žal, zbožža, jakoje pastupaje ŭ zbožžavych hruzach, idzie ŭ bahatyja krainy, a nie ŭ biednyja», — zajaviŭ prezident Erdahan na pres-kanfierencyi ŭ Charvatyi.
«Pakul sankcyi suprać Rasii praciahvajucca, spadara Pucina turbuje toj fakt, što pastaŭki zbožža adbyvajucca ŭ krainy, jakija ŭvodziać hetyja sankcyi», — adznačyŭ turecki prezident.
Ź jaho słoŭ, jon maje namier abmierkavać hetuju temu z Pucinym u Samarkandzie. «My spadziavajemsia pačać pastaŭki z Rasii», — dadaŭ Erdahan.
Raniej Pucin zajaviŭ, što tolki 2 z 87 karabloŭ, jakija vyjšli z ukrainskich partoŭ, byli zahružanyja ŭ adpaviednaści z Suśvietnaj charčovaj prahramaj AAN, jakaja praduhledžvaje dapamohu najbiadniejšym krainam.
Jon nazvaŭ zbožžavaje pahadnieńnie ašukanstvam i zajaviŭ, što choča abmiežavać dostup ukrainskaha zbožža na rynki.
Ukrainskija ŭłady nastojvajuć, što bolšaja častka zbožža adpraŭlajecca ŭ party Azii i Afryki.
