U viedamstvie adznačyli, što dakumient praduhledžvaje ŭzajemnaje pryznańnie pa ŭsich parušeńniach u halinie biaśpieki ruchu, u tym liku zafiksavanych z vykarystańniem śpiecyjalnych techničnych srodkaŭ z funkcyjaj fotafiksacyi. Taksama pahadnieńnie praduhledžvaje abmien źviestkami pa elektronnych kanałach suviazi.
U MUS udakładnili, što vyniesienaja na terytoryi Biełarusi ŭ dačynieńni da rasijskaha hramadzianina pastanova budzie mieć jurydyčnuju siłu i na terytoryi RF.
«Pry hetym, kali ŭ Biełarusi štraf nie budzie apłačany, to jon moža być prymusova spahnany ŭ Rasii na padstavie adpaviednaha zapytu. Pry hetym spahnany štraf pastupić u biudžet krainy-susiedki», — padkreślili tam.
Taki ž paradak budzie ŭžyvacca i ŭ dačynieńni da ŭładalnikaŭ transpartnych srodkaŭ, zarehistravanych u Biełarusi. Štraf, nieapłačany biełarusam u Rasii, moža być prymusova spahnany ŭ Biełarusi i zaličany ŭ jaje biudžet.
