Fota: BiełTA
Pa słovach čynoŭnika, z-za sankcyj surjozna źmianiłasia adlehłaść pieravozki biełaruskich hruzaŭ: z 600 km praz party Bałtyki ŭ Litvie i Łatvii jana dasiahnuła tysiačy i bolš km. Tamu ŭłady krainy vyrašyli pieraaryjentavać pastaŭki na marskija party Rasii.
U lutym 2021 hoda było padpisanaje mižuradavaje pahadnieńnie ab arhanizacyi supracoŭnictva ŭ halinie pieravozki i pieravałki biełaruskich naftapraduktaŭ, pryznačanych na ekspart u trecija krainy, praz rasijskija marskija party.
— U hetym hodzie ŭnieśli adpaviednyja źmieny ŭ pahadnieńnie. Dla nas adkryli, akramia paŭnočna-zachodnich, party paŭdniovaha kirunku, — dadaŭ pieršy namieśnik ministra Lachnovič.
Ciapier idzie praca nad pahadnieńniem pa pieravałcy biełaruskich hruzaŭ praz Rasiju — heta jak suchaputnyja maršruty, tak i party RF.
— Ale, nie čakajučy hetaha pahadnieńnia, my razam užo vybudavali peŭnyja łancužki pastavak biełaruskaj pradukcyi. Zadziejničanyja party RF dazvolać nam paśpiachova vyjści na rynki Irana i Indyi, adnavić patok, jaki raniej išoŭ praz party Bałtyki, — zajaviŭ Alaksiej Lachnovič.
