«Nas siońnia ź Dzimam zatrymali. Ja ŭžo doma i biez suviazi, telefon zabrali, zaŭtra ŭ mianie sud pa administracyjnym artykule za repost. Dzimu nie adpuścili», — raskazała Julija Siemčanka ŭ sacsietkach. Za što mienavita zatrymali Dźmitryja Siemčanku — nie paviedamlajecca.
Dźmitryj Siemčanka syšoŭ z telekanała ANT, dzie ŭznačalvaŭ puł žurnalistaŭ, jakija pracavali z Alaksandram Łukašenkam, paśla žorstkich razhonaŭ akcyj u žniŭni 2020 hoda. 10 vieraśnia taho ž hoda da jaho pryjšła milicyja. Na nastupny dzień jaho asudzili: vyśvietliłasia, žurnalist byŭ na pratesnym maršy 16 žniŭnia, jašče padčas pracy na dziaržkanale — za heta sud pryznačyŭ jamu 15 dzion aryštu.
Paśla zvalnieńnia ź dziaržaŭnaha telekanała Dźmitryj Siemčanka pracavaŭ u PR-śfiery.
