Na kavavaj płantacyi ŭ Brazilii. Fota: AP Photo/Andre Penner
Adznačajecca, što z-za zasuchi ŭ najbujniejšaha vytvorcy kavavaha bobu moža nie chapić uradžaju, kab zadavolić usio bolšy popyt. U vyniku ceny na kavu pa ŭsim śviecie buduć raści.
Pavodle prahnozu Brazilejra, zapasy kavy ŭ krainie da sakavika apuściacca da 7 młn miaškoŭ, tady jak kamfortnym uzroŭniem analityki ličać zapasy ŭ pamiery 9-12 młn miaškoŭ vahoj pa 60 kh kožny.
«Zapasy nastolki małyja, što navat kali ŭ nastupnym hodzie ŭ nas budzie dobry ŭradžaj, Brazilii naŭrad ci chopić [kavy] dla zadavalnieńnia popytu. Nam prosta patrebny doždž», — zajaviŭ ahienctvu člen praŭleńnia hrupy eksparcioraŭ Cecafe Nelsan Karvaljaš.
Niedachop kavavaha bobu ŭ Brazilii tolki paharšaje hłabalny deficyt kavy: zapasy arabiki na partovych składach, kantralavanyja amierykanskaj biržaj ICE Futures, znachodziacca na samym nizkim uzroŭni za 23 hady, adznačaje Bloomberg.
Na hetym fonie cana fjučarsaŭ na arabiku ŭ Ńju-Jorku vyrasła na 11% hod da hoda, i analityki čakajuć, što ceny praciahnuć raści.
Pry hetym adznačajecca, što popyt na kavu nie źnižajecca: spažyvańnie ŭ hetym siezonie vyrasła na 1,5% paśla rostu na 2% letaś.
