«Unačy za 300 mietraŭ ad Paŭdniova-Ukrainskaj AES prylacieła rakieta. Adbyłosia karotkačasovaje adklučeńnie elektralinii. U budynkach na terytoryi AES paškodžanyja vokny. Akupanty znoŭ zachacieli pastralać, ale zabylisia, što takoje atamnaja stancyja. Rasija padviarhaje niebiaśpiecy ŭvieś śviet. Treba spynić jaje, pakul nie pozna», — havorycca ŭ zajavie ŭkrainskaha prezidenta Uładzimira Zialenskaha. U aficyjnym telehram-kanale Zialenskaha taksama apublikavanyja fatahrafii, na jakich bačnyja nastupstvy abstrełu.
Raniej pra abstreł taksama zajaviła ŭkrainskaja enierhietyčnaja kampanija «Enierhaatam».
«Mahutny vybuch adbyŭsia ŭsiaho za 300 m ad reaktaraŭ AES. Udarnaj chvalaj paškodžany budynak AES, raźbita bolš za 100 voknaŭ. Adklučyŭsia adzin z hidraahrehataŭ Alaksandraŭskaj HES, jakaja ŭvachodzić u skład Paŭdniova-Ukrainskaha enierhakompleksu. Adklučylisia taksama try vysakavoltnyja linii elektrapieradačy», — zajavili ŭ «Enierhaatamie».
