23.09.2022
/ 19:50 / Ałharytmičny łacinski varyjant
Finlandyja taksama pierastała puskać u krainu rasijan
Finskija ŭłady paviedamili 23 vieraśnia ab «pryncypovym rašeńni» istotna abmiežavać ujezd rasijan u krainu z pryčyny «surjoznaj škody mižnarodnamu aŭtarytetu Finlandyi». Havorka idzie pra poŭnuju zabaronu tranzitnaha prajezdu praz terytoryju Finlandyi rasijanam z šenhienskimi vizami inšych krain i abmiežavańniach na ŭjezd z «šenhienam», vydadzienym finskim pasolstvam.
Rasijska-finlandskaja miaža
U paviedamleńni na sajcie prezidenta Finlandyi adznačajecca, što ŭ najbližejšyja dni budzie abmiežavany ŭjezd rasijskich turystaŭ, budzie dazvolena tolki naviedvańnie siabroŭ i svajakoŭ. Akramia taho, Finlandyja abmiažuje i praces vydačy viz hramadzianam Rasii.
Raniej abmiežavali abo całkam zabaranili ŭjezd rasijanam Litva, Łatvija, Estonija i Polšča. Takim čynam, mahčymaść ujezdu ŭ Jeŭrasajuz pa sušy dla hramadzian Rasii ciapier začyniajecca amal całkam.
Akramia taho, Jeŭrasajuz niadaŭna admianiŭ sproščany vizavy režym z Rasijaj.
Nashaniva.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
