Viktoryja — prafiesijnaja žurnalistka i šmatdzietnaja maci. Paśla zakančeńnia kafiedry žurnalistyki Kupałaŭskaha ŭniviersiteta z 2008 hoda paśpiachova pracavała karespandentam na telekanale «Hrodna Plus». Siońnia joj 34 hady, i jana — maci dvuch chłopčykaŭ i dziaŭčynki. Mienavita dzieci padčas dekretnaha adpačynku natchnili Viktoryju napisać dla ich svaje ŭłasnyja kazki na biełaruskaj movie.
Viasnoj hetaha hoda Viktoryja Karaś dasłała svaje kazki na druhi litaraturny konkurs-startap LitUp. U vyniku jana stała adnoj z 12 pieramožcaŭ i atrymała mahčymaść vydać svaju knihu ŭ Biełarusi za košt dziaržavy tyražom u adnu tysiaču ekzemplaraŭ. Kazki Viktoryi apublikavaŭ vydaviecki dom «Źviazda». Knižku dapoŭniła svaimi cudoŭnymi malunkami hrodzienskaja mastačka Taćciana Filipovič.
U płanach Viktoryi Karaś — novyja kazki i novyja knižki. Pasłuchać kazačnyja tvory aŭtara ŭ jaje ŭłasnym vykanańni možna na YouTube-kanale «Domik dobraj kazki».
