Akramia taho, u pakiet uklučanyja 150 taktyčnych transpartnych srodkaŭ dla buksiroŭki, radary i sistemy abarony ad bieśpiłotnych latajučych aparataŭ.
Hrošy, praŭda, buduć vydatkavanyja na vyrab novaj zbroi dla Ukrainy, to-bok jana nie budzie pieradavacca z užo najaŭnych amierykanskich zapasaŭ.
Takim čynam, z momantu pačatku vajny va Ukrainie ahulny abjom amierykanskaj dapamohi Kijevu dasiahnuŭ 16,2 młrd dalaraŭ.
Jak paviedamlałasia raniej, u paniadziełak členy Kanhresa ZŠA taksama dasiahnuli papiaredniaj damoŭlenaści ab vydzialeńni Ukrainie dadatkovaha pakieta dapamohi na 12 młrd dalaraŭ. Jak čakajecca, zaćvierdziać rašeńnie ŭ piatnicu.
26 vieraśnia dziaržsakratar ZŠA Entani Blinkien zajaviŭ, što pieramovy ab novaj dapamozie dla Ukrainy praciahvajucca, abmiarkoŭvajucca ŭ tym liku pastaŭki taktyčnych rakietnych kompleksaŭ ATACMS.
