U vieraśnioŭskim čeku z polskaj kramy z vynikovaj sumaj kala 112 biełaruskich rubloŭ apynulisia nastupnyja tavary:
kava Jacobs (1 kh u zierniach i 500 h mołataj),
kapsuły dla myćcia Ariel (33 št.),
dezadarant Old Spice (50 mł),
krem dla tvaru Eveline,
tampony (2 pački pa 32 št.),
słoik šakaładna-arechavaj pasty (400 h),
čatyry plitki šakaładu (dźvie pa 100 h, a taksama pa 220 h i 300 h),
dźvie skrynki šakaładnych cukierak (pa 460 h kožnaja),
maleńkaja ŭpakoŭka vendžanaha syru (80h),
paŭlitrovaja blašanka piva.
Paśla paraŭnańnia cenaŭ pa kožnaj pazicyi z čeka, jakuju ŭdałosia adšukać u biełaruskaj sietkavaj kramie (polskija prysmaki ŭ hety śpis nie patrapili), vyśvietliłasia, što kava ŭ biełaruskaj kramie kaštuje kala 44 rubloŭ u zierniach i kala 19 rubloŭ mołataja (heta značyć, prykładna ŭdvaja daražej, čym u Polščy), kapsuły dla myćcia pradajucca prykładna pa 42 rubli za 30 štuk (a heta ŭžo ŭ try razy daražej), prykładna ŭ dva razy prajhrajuć biełaruskija kramy polskim i ŭ cenach na dezadaranty, a taksama srodki asabistaj hihijeny.
Navat ceny na miascovy šakaład u Biełarusi i Polščy mocna adroźnivajucca. Kali ŭ polskaj kramie stohramovaja plitka polskaha šakaładu kaštuje kala 1,5 rubla (i heta nie samaja nizkaja cana), to ŭ biełaruskaj kramie anałahičnaja pa vazie biełaruskaja plitka kaštuje jak minimum 2,3 rubla, heta značyć, u 1,5 raza daražej.
Paśla vynikovych padlikaŭ akazałasia, što ŭ Biełarusi na sumu ŭ 112 rubloŭ možna kupić tolki 1,5 kh kavy, kapsuły dla myćcia i dezadarant (kali paščaścić jaho znajści na źnižkach).
