Taksama 2 kastryčnika stała viadoma, što spynienaja ŭciečka hazu i na «Paŭnočnym patoku — 1», cisk stabilizavany.
Usiaho śpiecyjalisty vyjavili piać uciečak u hazapravodach «Paŭnočny patok». Vybuchi na mahistralach hazapravodaŭ «Paŭnočny patok — 1» i «Paŭnočny patok — 2» byli zafiksavanyja 24 vieraśnia. Pra toje, što ŭ ich krytyčna źmienšyŭsia cisk, stała viadoma 26 vieraśnia. Apieratar hazapravodaŭ Nord Stream AG adrazu ž zajaviŭ ab biesprecedentnych razbureńniach.
U niamieckaj presie źjaŭlalisia paviedamleńni ab tym, što hazapravody, pabudova jakich kaštavała miljardy dalaraŭ, niemahčyma budzie adramantavać. Adnak vice-premjer rasijskaha ŭrada Alaksandr Novak 2 kastryčnika zajaviŭ, što nibyta «jość techničnyja mahčymaści» adnavić infrastrukturu, adnak heta zapatrabuje času i hrošaj.
Kampanija maje namier prystupić da likvidacyi uciečak 3 kastryčnika. U Polščy tym časam 1 kastryčnika zapracavaŭ kankurent hazapravodaŭ «Paŭnočny patok» — Baltic Pipe, jaki złučaje krainu z narviežskim šelfam praz Daniju.
Čytajcie taksama:
Niamieckija śpiecsłužby ličać, što padarvanyja trubapravody mohuć vyjści sa stroju nazaŭždy
U Niamieččynie padazrajuć, što ŭciečki hazu na «Paŭnočnych patokach» stali śledstvam dyviersii
Brytancy miarkujuć, što «Paŭnočny patok» mahli padarvać dystancyjna zahadzia pastaŭlenymi minami
