5 hadoŭ, z 2015-ha pa 2020-y, plečy Ščarbickaha nie niepakoili. A ŭ 2019-m stała baleć levaje, choć raniej mieŭ prablemy z pravym. A vinavatyja, mahčyma, zubnyja brekiety, jak jon sam skazaŭ u razmovie ź juciub-kanałam «Futbołka Kozieł».
— Dla mianie była novaj infarmacyja pra ŭpłyŭ čerapna-mazhavych traŭmaŭ na dalejšaje adnaŭleńnie i naohuł isnavańnie ludziej. Akazvajecca, navat lohkaja čerapna-mazhavaja traŭma ciahnie za saboj nastupstvy, nie kažučy pra składanyja. Z hetym ty sutykaŭsia kali-niebudź?
— Z čerapna-mazhavoj traŭmaj ja nie sutykaŭsia, ale ŭ Hiermanii voś, što daviedaŭsia.
Ja ž nasiŭ briekiety, i mahčyma, u mianie pajšła nahruzka na šyjny addzieł. I tamu, mahčyma, u mianie niestabilnym stała plačo.
Ja rabiŭ zuby dla taho, kab jakraz usio dobra było. Pravilny prykus pavinien być. I mnie ŭ Hiermanii skazali: rabi, rabi briekiety. Rabi svoj prykus narmalnym, tamu što heta drenna, kali ŭ ciabie skivicu ź nižnimi zubami zakryvaje vierch. Ja ŭ toj ža momant zrabiŭ briekiety, panasiŭ ich u 2019 hodzie…
— Panasiŭ i potym u toj ža Hiermanii skazali, što nie treba?
— Ja prosta kažu, što drobiaziaŭ nie byvaje, i jość mahčymaść, što ŭ mianie ad šyjnaha addzieła niestabilnaść pajšła ŭ plečy. Mnie ŭžo zrabili apieracyju, a potym ja spytaŭ, čamu nie toje plačo. U mianie pravaje było 5 hadoŭ tamu, jano mianie naohuł nie turbuje, ja zhulaŭ stolki hulniaŭ.
Čamu ciapier levaje? I skazali, maŭlaŭ, tut nichto nie viedaje napeŭna: mahčyma, adna z pryčyn — zuby.
Mahčyma, niejki dysbałans pamiž pravym i levym plačom, tamu što pravaje ŭ mianie ŭžo apieryravana było. Ale ja 5 hadoŭ naohuł pra jaho zabyŭsia, ničoha nie adčuvaŭ. Heta značyć tut hadać možna vielmi doŭha.
