Pa słovach krynicy, kiroŭca atrymaŭ zakaz na pieravozku uhnajeńniaŭ praź internet. Na miescy pracujuć vybuchatechniki miascovaha ŭpraŭleńnia FSB. Jany sprabujuć vyśvietlić typ i pachodžańnie vybuchoŭki.
U vyniku vybuchu hruzavy fury na Krymskim moście rana ranicaj 8 kastryčnika byli razburanyja dva aŭtamabilnyja praloty, paškodžanyja čyhunačnyja šlachi. Jak minimum try čałavieki zahinuli. Uładalnik hruzavika byŭ žycharom Krasnadara, adnak jon nibyta niadaŭna pradaŭ mašynu.