Pres-sakratarka ŭrada Hiermanii Kryścijana Chofman skazała, što Bierlin vyklučaje vykarystańnie «Paŭnočnaha patoku — 2». Jana adznačyła, što Uładzimir Pucin raniej užo rabiŭ zajavy, anałahičnyja siońniašniaj prapanovie adnavić pastaŭki pa cełym trubapravodzie.
«Niezaležna ad mahčymych dyviersij na dvuch trubapravodach my bačyli, što Rasija bolš nie źjaŭlajecca nadziejnym pastaŭščykom enierhii i što jašče da paškodžańnia «Paŭnočnaha patoku — 1» płyń hazu spyniłasia. Dla nas niama padstaŭ mierkavać, što heta źmienicca», — adznačyła Chofman.
«Kali Rasija budzie pastaŭlać [haz] praz «Paŭnočny patok — 1», embarha suprać hetaha na dadzieny momant niama», — pryvodzić infarmahienctvy słovy pradstaŭnika Bierlina.
Uładzimir Pucin u sieradu, 12 kastryčnika, prapanavaŭ zapuścić acalełuju halinku «Paŭnočnaha patoku — 2», pa jakoj, pa słovach Pucina, možna pastaŭlać 27,5 miljarda kubičnych mietraŭ hazu ŭ hod.
Nahadajem, u kancy vieraśnia vybuchami byli vyviedzienyja sa stroju abiedźvie halinki «Paŭnočnaha patoku — 1» i adna ź dźviuch halinak «Paŭnočnaha patoku — 2». Jak krainy Zachadu, tak i Rasija miarkujuć, što pryčynaj vybuchaŭ była dyviersija. Niamieckija pravaachoŭnyja orhany dapuskajuć, što za vybuchami moža stajać Maskva, takaja ž zdahadka jość i ŭ brytanskich śpiecsłužbaŭ.
