Ad siońnia ŭ zvyčajnych karystalnikaŭ źnikła mahčymaść kamientavać ad imia kanałaŭ, u jakich jany źjaŭlajucca administratarami ci ŭładalnikami. Zamiest vybaru surazmoŭcy miesiendžar prapanuje kupić Telegram Premium, jaki kaštuje try dalary na miesiac.
Takoje papiaredžańnie źjaŭlajecca, kali vy nie majecie premiumu i sprabujecie kamientavać ad imia hrupy
Hetaja funkcyja dazvalaje ludziam chavać asobu, kali jany pisali ŭ adkrytych čatach. Zamiest akaŭnta čałavieka bačna tolki nazva kanała, jaki našmat lahčej vydalać i stvarać nanova, čym sam akaŭnt. Takim čynam aktyvisty, jakija znachodziacca ŭ Biełarusi, mahli adnosna biaśpiečna kamunikavać u dvaravych i inšych čatach ci niešta kamientavać.
Ciapier ža, kab karystacca takoj funkcyjaj, daviadziecca płacić sa svajoj kartki. I heta stvaraje dźvie prablemy.
Pa-pieršaje, premium-karystalnikaŭ budzie značna mienš, a fakt nabyćcia premiumu nielha schavać. I vyličyć kankretnaha čałavieka budzie našmat praściej. Pa-druhoje, značnaj častcy biełarusaŭ apłacić funkcyju budzie składana, bo jany majuć kartki bankaŭ, jakija znachodziacca pad sankcyjami.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie jašče:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Jak pačyścić telehram-boty, kab nie zastałosia nijakich śladoŭ VIDEA
Voś jak tyranii vykarystoŭvajuć Telegram
