— Ja vałodaju zanadta małym dośviedam u palitycy, kab vystupać ekśpiertam i niejak ustupać u sprečki z takim pavažanym čałaviekam. Majo asabistaje mierkavańnie — heta niejkaja pamyłka, a vysnovy zroblenyja na padstavie nie da kanca vyvučanaj situacyi, niejkich niepraŭdzivych faktach.
Pierachodny kabiniet 2022, fota Ofisa Śviatłany Cichanoŭskaj.
Ja dumaju, heta situacyja budzie vypraŭlenaja. U lubym vypadku, našyja narody pavinny być razam. Va ŭkrainskaha naroda niama nijakich padstaŭ kazać, što biełaruski narod źjaŭlajecca zdradnikam, nanios udar u śpinu i hetak dalej.
Šmatlikija ŭkrainskija palityki vykazvajuć mudryja dumki pra toje, što treba raździalać režym, jaki pravić u Biełarusi, i biełaruski narod. Heta sapraŭdy tak. I mnie zdajecca, što dziejańni, jakija viaduć da raskołu pamiž narodami, — heta destruktyŭnyja dziejańni.
Čytajcie taksama: Arastovič: Biełaruskaje pytańnie — adna z hałoŭnych našych pamyłak padčas hetaj vajny
Možna spračacca pra lehitymnaść Śviatłany Cichanoŭskaj. U mianie taksama jość niekatoryja pytańni pa dziejnaści Kabinieta, ale ja nie baču sensu ich vynosić u publičnuju prastoru, ja ich vyrašaju ŭ pracoŭnym paradku kanstruktyŭna. My ludzi novyja, nichto z nas nie źbiraŭsia być palitykam, i Śviatłana ŭ tym liku. Viadoma, my robim niejkija pamyłki, nam nie chapaje vopytu i mudraści. Ale ja liču, što my pavinny heta abmiarkoŭvać, prychodzić da niejkich racyjanalnych rašeńniaŭ, vypraŭlać pamyłki i ruchacca napierad.
Hałoŭnaje, što my musim razumieć: narod Biełarusi i narod Ukrainy pavinny być razam. Ad hetaha vyjhrajuć usie, i mnie zdajecca, moža, pa majoj naiŭnaści ci pa natury idealista, usie dziejańni, nakiravanyja na advarotny bok, źjaŭlajucca destruktyŭnymi.
