Recept na vychadnyja. Vianok ź viandlinaj i syram — jak prosta i jak pryhoža 4

Fota: BBC Food

Kab pryhatavać karonu ź viandlinaj i syram, vam spatrebicca:

• 2 upakoŭki hatovaha słajonaha ciesta (kožnaja vahaj kala 320 hramaŭ)
• 4 stałovyja łyžki kietčupu
• 1 čajnaja łyžka mołataj papryki
• 12 kavałačkaŭ vendžanaj indyčki ci viandliny
• 200 hramaŭ ciortaha syru
• 1 jajka (treba jaho trochi ŭźbić)
• 1 čajnaja łyžka zierniaŭ kunžutu (lepš brać čorny)

1. Razahrejcie duchoŭku da 200 hradusaŭ. Padrychtujcie vialikuju blachu dla vypiakańnia.
2. Dastańcie ciesta z upakoŭki. Złučycie płasty karotkimi kancami i sfarmujcie adzin doŭhi kavałak. Pakładzicie pałosku ciesta, što ŭ vas atrymałasia, na pracoŭnuju pavierchniu.
3. Źmiašajcie kietčup i papryku. Razmažcie sumieś pa ŭsim cieście, akramia 1 santymietra ciesta pa krajach. Vykładzicie źvierchu kavałki miasa ci viandliny, pakryjcie ich syram.
4. Zharnicie ciesta ŭ rulet, maksimalna ščylny. Paśla hetaha złučycie dva kancy ruleta, kab vyjšaŭ kružočak-vianočak, i źlapicie ciesta ŭ miescy złučeńnia.
5. Pieraniasicie vianok ź ciesta na padrychtavanuju blachu razam z papieraj dla vypiakańnia (kali vy farmavali ciesta nie na joj, vyścielicie blachu takoj papieraj). Vostrym nažom zrabicie pa krajach usiaho vianka nadrezy daŭžynioj 2 santymietry, sačycie za tym, kab jany nie prachodzili naskroź. Aściarožna paciahnicie za kožny kavałak ciesta i vyviarnicie jaho trochi na bok tak, kab siaredzina z načynkaj była troški vidać.
6. Zmažcie ciesta ŭźbitym jajkam, pasypcie sollu i kunžutam. Vypiakajcie ŭ duchoŭcy 30 chvilin.
7. Paśla vypiakańnia trochi astudzicie vianok na blasie. Padavajcie.

Adkul na šakaładzie biarecca bieły nalot i što jon aznačaje?

Recept na vychadnyja. Kurynyja eskałopy z sałataj z rukały — prostaje i smačnaje miasa

Čatyry sposaby zrabić svaju kavu bolš karysnaj

4

0

3

0

1

1

Nashaniva.com