Izrailskaja sistema SPA «Žalezny kupał» źbivaje amal usie rakiety, zapuščanyja ź siektara Haza. Fota: Getty image
«Chaču ŭdakładnić, što my nie pradavali zbroju Ukrainie, my akazvali joj miedycynskuju i humanitarnuju dapamohu, i heta pavinna być jasna: my nie pradavali zbroju Ukrainie. Kali chtości śćviardžaje, što my pradali abo budziem pradavać zbroju Ukrainie, jon pamylajecca. Ja ministr abarony i adkazvaju za ekspart uzbrajeńniaŭ Izraila», — zajaviŭ Hanc.
Hetu zajavu ministr abarony Izraila zrabiŭ napiaredadni zapłanavanaj sustrečy izrailskaha premjera Jaira Łapida ź ministram zamiežnych spraŭ Ukrainy Dźmitryjem Kulebam. Padčas hetaj sustrečy ŭkrainski ministr źbiraŭsia abmierkavać z premjer-ministram Izraila pastaŭki Ukrainie srodkaŭ SPA.
18 kastryčnika Dźmitryj Kuleba abviaściŭ ab namiery źviarnucca da Izraila adnosna pastavak sistem supraćpavietranaj abarony. Pavodle jaho słoŭ, daviedaŭšysia pra mahčymaje vykarystańni Rasijaj iranskich bieśpiłotnikaŭ suprać Ukrainy, Izrail moh by dapamahčy Ukrainie z uzbrajeńniami, bo Iran dla Izraila zaklaty vorah.
