Na sustrečy prysutničali 12 ukrainskich narodnych deputataŭ na čale z kiraŭnikom abjadnańnia Alaksiejem Hančarenkam.
Padčas jaje abmiarkoŭvalisia pytańni biełaruska-ŭkrainskich adnosin u kantekście rasijskaj ahresii.
Deputaty zadekłaravali žadańnie supracoŭničać z Pałkom Kalinoŭskaha jak ź lehitymnym, na ich dumku, pradstaŭnikom biełaruskaha naroda.
U adkaz na zapyt bajcoŭ Pałka Kalinoŭskaha deputaty Viarchoŭnaj Rady Ukrainy vyrašyli zaprapanavać svajmu Kabinietu Ministraŭ unieści papraŭki ŭ Pastanovu Kabinieta Rady Ministraŭ Ukrainy № 168-2022-p, jakaja tyčycca vypłat vajskoŭcam, asobam šarahovaha i kamandnaha składu, palicejskim i ich siemjam padčas dziejann vajennaha stanovišča. Taksama deputaty vyrašyli vynieści na hałasavańnie pastanovu ab pryznańni Biełarusi časova akupavanaj Rasijaj terytoryjaj.
Akramia taho, była nibyta dasiahnutaja damoŭlenaść, što
deputaty Viarchoŭnaj rady Ukrainy razam z pradstaŭnikami Pałka Kalinoŭskaha buduć adstojvać intaresy biełaruskaha naroda ŭ jeŭrapiejskich i suśvietnych parłamienckich instytucyjach ABSIE, PARIE, Parłamienckaj asamblei NATA.
Apošnim časam deputaty Viarchoŭnaj Rady Ukrainy, prytym navat na ŭzroŭni kiraŭnika kamiteta pa zamiežnych spravach, zrabili niekalki skandalnych zajaŭ, ź jakich možna zrazumieć, što va ŭkrainskich palityčnych kołach nabyvaje papularnaść ideja ab palityčnym vykarystańni Pałka Kalinoŭskaha jak alternatyvy lehitymnamu pradstaŭnictvu biełaruskaha demakratyčnaha ruchu ŭ asobie Ofisa Śviatłany Cichanoŭskaj i Abjadnanaha pierachodnaha kabinieta. Nie vyklučana, što hetaja sustreča — taksama praciah hetaj tendencyi.
Čytajcie taksama:
Kiraŭnik kamiteta Viarchoŭnaj Rady pa zamiežnych spravach: Ukraina nie pryznaje Cichanoŭskuju, bo jana nie nazyvaje rečy svaimi imionami
