U Biełarusi pa stanie na 19 kastryčnika bolš za 6,61 młn čałaviek atrymali adnu dozu vakcyny suprać COVID-19, ź ich zvyš 6,5 młn čałaviek prajšli poŭny kurs vakcynacyi.
Poŭny kurs vakcynacyi prajšli: u Bresckaj vobłaści — bolš za 899,3 tys. čałaviek, u Viciebskaj — zvyš 797,6 tys., u Homielskaj — bolš za 983,3 tys., u Hrodzienskaj — zvyš 702,6 tys., u Minsku — bolš za 1,31 młn, u Minskaj vobłaści — zvyš 996,2 tys., u Mahiloŭskaj vobłaści — bolš za 695,2 tys..
Akramia taho, kala 114 tys. supracoŭnikaŭ arhanizacyj i viedamstvaŭ zaviaršyli kurs vakcynacyi.
Adnu dozu vakcyny atrymali bolš za 214,7 tys. dziaciej 5-17 hadoŭ, ź ich zvyš 190,2 tys. prajšli poŭny kurs vakcynacyi.
«Takim čynam, achop adnoj dozaj vakcyny skłaŭ 71,4% ad ahulnaj kolkaści nasielnictva krainy, poŭnym kursam vakcynacyi achoplena 70,2% nasielnictva. Taksama pravodzicca busternaja vakcynacyja nasielnictva, achop składaje 53,6%», — paviedamiła Minzdaroŭja.
Varta adznačyć, što Minzdaroŭja nie publikuje statystyki pa zachvorvańni kavidam.
