Siarhieja Sacuka zatrymali 8 śniežnia 2021 hoda paśla pieratrusu i dopytu ŭ Śledčym kamitecie. 

Žurnalista vinavaciać pa troch artykułach Kryminalnaha kodeksa: č. 2 art. 430 (atrymańnie chabaru), č. 2 art. 130 (raspalvańni inšaj sacyjalnaj varožaści), č. 2 art. 426 (pieravyšeńnie ŭłady albo słužbovych paŭnamoctvaŭ).

Padstavaj dla pieraśledu žurnalista na dumku kalehaŭ Sacuka, źjavilisia hučnyja rasśledavańni, jakija pieradusim tyčylisia maštabnaj karupcyi ŭ miedycynskaj halinie. Na padstavie zdabytych faktaŭ jon raskazaŭ pra biesprecedentnyja «adkaty» za pastaŭku darahoha abstalavańnia; zakupku niezarehistravanaj vakcyny, jakuju faktyčna apraboŭvali na biełaruskich dzieciach; falsifikacyju ličbaŭ raspaŭsiudu COVID-19 u Biełarusi. I ŭsio heta pry ŭchvaleńni kantrolnaha viedamstva — Ministerstva achovy zdaroŭja. 

19 kastryčnika na pracesie z udziełam Siarhieja Sacuka adbylisia farmalnyja sprečki bakoŭ, jakija ŭ palityčnych pracesach zvyčajna majuć nie samaje pryncypovaje značeńnie. Da taho bolš za try tydni sudździa Śviatłana Bandarenka vyvučała materyjały śledstva i zasłuchoŭvała śviedkaŭ.

Prakuror zaprasiŭ vosiem hadoŭ źniavoleńnia.

Jak raskazali słužbie manitorynhu BAŽ svajaki Siarhieja Sacuka, ahałošvańnie prysudu pryznačanaje na 26 kastryčnika ŭ adkrytym farmacie. I dadajuć, što na jurydyčny cud z apraŭdalnym vynikam suda pry takim nabory kryminalnych artykułaŭ raźličvać naŭrad ci davodzicca. Adzinaje, što na niejkich niezrazumiełych dla šyrokaj hramady momantach padazravany ŭ «złačynstvach» žurnalist zmoža zasiarodzicca ŭ svaim apošnim słovie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?