Havoračy ab vybarčaj kampanii 2024 hoda (u lutym hetaha hoda pavinny prajści parłamienckija vybary) jon zajaviŭ, što treba rychtavacca procidziejničać sprobam dezarhanizacyi vybaraŭ.

«Lohkich vybarčych kampanij čakać nie davodzicca. Sami bačycie, u jakich umovach znachodzicca naša kraina. Niavyznačanaść mižnarodnaj abstanoŭki, biesprecedentny źniešni cisk, infarmacyjnyja ataki i pravakacyi», — skazaŭ jon.

«Vy viedajecie, ja daručyŭ siłavikam i inšym prainfarmavać narod pra toje, što adbyvajecca. Heta jašče vielmi važnaja prablema. Usio: «Voś, heta prablema, Łukašenka zapałochać narod choča». Naadvarot! Ja nie chaču, kab vy zapałochvalisia. Ja chaču prosta, kab narodu danieśli ŭsio toje, što adbyvajecca, amal na 100% adkryta. A narod potym niachaj prymaje rašeńnie. Kali za dva hady nie pierakanalisia, što z nami chacieli i chočuć zrabić, to chaj słuchajuć i prymajuć rašeńnie. Chočacie praź biadu prajści — kali łaska. Ściah u ruki i idzicie. Chočacie, kab było cicha i spakojna, kab ranicaj i ŭviečary kali nie samim u duš schadzić (choć, dumaju, usie majuć takuju mahčymaść), dyk choć dzietak svaich vykupać u ciopłaj vadzie, kab ciapło ŭ domie było, kab haz, nafta i inšaje było, kab było ranicaj i ŭviečary čahości pierakusić, pajeści, apranucca ŭ niešta, kali vy hetaha chočacie (heta taksama varyjant), tady zuby ścisnuli i napierad, rabicie toje, što ja vam kažu», — skazaŭ Łukašenka.

Nasamreč, «vybarami» toje, što adbyvajecca ŭ Biełarusi, možna nazyvać tolki ŭmoŭna. U krainie nie tolki nie rehistrujuć niezaležnych kandydataŭ — časta ludziej, jakija sprabujuć uziać u vybarach, źniavolvajuć. U 2020-m tak było ź Viktaram Babarykam, Siarhiejem Cichanoŭskim i Mikałajem Statkievičam. Da padliku hałasoŭ nie dapuskajuć niezaležnych naziralnikaŭ. Bolš za toje, sami hałasy ŭ bolšaści vypadkaŭ nie ličać, a ŭ vynikovyja pratakoły pa rehijonach zapisvajuć zahadzia vyznačanyja ličby, jakija nie majuć nijakich adnosin da realnaści.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?