U čaćvier, 20 kastryčnika, Rada Jeŭrasajuza zaćvierdziła sankcyi ŭ dačynieńni Irana za pastaŭku bieśpiłotnikaŭ Rasii. Usiaho za try dni zdoleli padrychtavać i zaćvierdzili sankcyi za pastaŭku ŭzbrajeńniaŭ! Pra heta paviedamiła Čechija, što ciapier staršynstvuje u Radzie Jeŭropy.

«Sankcyi pa Iranie ŭ rekordna karotkija terminy! Paśla trochdzionnych pieramovaŭ ambasadary ES damovilisia ab mierach suprać arhanizacyj, što pastaŭlajuć iranskija bieśpiłotniki, jakimi nanosiacca ŭdary pa Ukrainie. Piśmovaja pracedura zavieršanaja, sankcyi ŭstupajuć u siłu siońnia dniom paśla publikacyi ŭ Aficyjnym časopisie (Jeŭrapiejskaha sajuza)», — havorycca ŭ paviedamleńni.

Adznačajecca taksama, što «dziaržavy ES vyrašyli zamarozić aktyvy troch fizičnych asob i adnoj jurydyčnaj asoby, adkaznych za pastaŭku dronaŭ».

Pad sankcyi trapiła kampanija Šachied Aviejšn Indastryz, a taksama načalnik štaba Uzbrojenych Sił Irana hienierał-major Machamad Chasiejn Bahiery, kamandujučy aerakaśmičnym korpusam hvardyi isłamskaj revalucyi Sajed Ahadžani, i Chadžatoła Hareišy, jaki adkazvaje za łahistyku ŭ iranskim Ministerstvie abarony.

Zrešty, ułady Irana admaŭlajuć toje, što jany pieradavali zbroi Rasii, u tym liku bieśpiłotniki, jakija ŭ apošni čas masava prymianiajucca dla ŭdaraŭ pa Ukrainie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?