Liz Tras sutyknułasia z masavaj niezadavolenaściu z boku svaich adnapartyjcaŭ pa niekalkich pytańniach.
U pryvatnaści, partyja abiacała skaracić mihracyju ŭ Brytaniju, ale Tras faktyčna admoviłasia vykonvać abaviazacielstva. Tras adchiliła Suełu Brevierman z pasady ministra ŭnutranych spraŭ za toje, što jana adstojvała abiacańnie Kansiervatyŭnaj partyi skaracić ahulnuju mihracyju.
Bolš za 20 deputataŭ-kansiervataraŭ publična krytykavali Liz Tras, pryčym 13 publična zaklikali premjer-ministra syści ŭ adstaŭku.
Krytykavali Tras i za pravalnuju ekanamičnuju palityku.
Pryznačany Tras ministr finansaŭ Kvasi Kvartenh u vieraśni abviaściŭ ab novym biudžecie, jaki praduhledžvaje samaje vialikaje skaračeńnie padatkaŭ za paŭstahodździa. Takim čynam jana chacieła stymulavać ekanamičny rost. Rašeńnie vyklikała padzieńnie funta da rekordna nizkaha ŭzroŭniu i krytyku z boku MVF.
Płan na fonie enierhietyčnaha kryzisu akazaŭsia nierealistyčnym.
Papularnaść Tras istotna upała, vybarščyki byli zaniepakojenyja mahčymym ekanamičnym chaosam u krainie. Banku Anhlii daviałosia ŭmiašacca, kab stabilizavać rynak dziaržaŭnaj zapazyčanaści i adnavić davier.
Chacia Tras i zvolniła Kvartenha, palityčny chaos tolki pavialičyŭsia nastupnyja dni na fonie mižpartyjnaj baraćby. Urešcie rešt pradstaŭniki kansiervataraŭ vyrašyli, što ŭ ich niama inšaha vybaru, akramia jak prymusić Tras syści.
Jana mieła samy nizki rejtynh siarod premjer-ministraŭ z pačatku 1990-ch hadoŭ i stała vielmi niepapularnaj navat siarod kansiervataraŭ. Mnohija zakanadaŭcy-kansiervatary paličyli, što ŭ ich niama šancaŭ vyjhrać vybary ŭ 2024 hodzie z Tras na čale.
Reputacyja Vialikabrytanii ŭ halinie ekanomiki taksama paciarpieła krach.
Pierajemnik Tras ciapier pavinien pieraadoleć palityčny kryzis i ekanamičnuju turbulentnaść, a Brytanija maje spravu sa stahflacyjaj — spałučeńniem pavolnaha rostu i vysokaj inflacyi.
Siarod ciapierašnich favarytaŭ na pasadu premjera — były kancler kaznačejstva Ryšy Sunak i ministr Pieni Mordaŭnt.
Admietna, što Sunak (jaki raniej taksama byŭ siarod favarystaŭ na vybarach kiraŭnika kansiervataraŭ) raniej papiaredžvaŭ, što płan Tras vykliča ekanamičny chaos.
