Vosiem hadoŭ tamu ŭ mai 2014 hoda ŭ lesie byŭ znojdzieny abhareły trup dziaŭčyny, jakaja pracavała aficyjantkaj u miascovym restaranie. Na jaje ciele byli šmatlikija cialesnyja paškodžańni. Tady pa haračych śladach zabojcu nie znajšli. Ale praca pa hetaj kryminalnaj spravie nie spyniałasia, i ŭ 2021 hodzie heta pryniesła vynik.

Raskryć žorstkaje zabojstva dapamoh pilny ahlad miesca zdareńnia ŭ mai 2014 hoda. Tady śpiecyjalisty znajšli bijałahičny materyjał, jaki naležaŭ na toj momant nieviadomamu mužčynu.

Paśla byli ŭziatyja ŭzory DNK praktyčna ŭsich miascovych mužčyn i praviedzieny bolš za 9 tysiač hienietyčnych ekśpiertyz.

U vyniku supadzieńnie było ŭstanoŭlena. Abvinavačany, uradženiec hetaha ž rajona, byŭ aryštavany ŭ siabie doma.

U tuju noč 16 maja 2014 hoda 30-hadovy mužčyna, jak vynikaje z materyjałaŭ spravy, u lesie zhvałciŭ i nanios dziaŭčynie 24 udary, ad jakich jana i pamierła na miescy. Kab schavać ślady złačynstva, mužčyna abliŭ cieła bienzinam i padpaliŭ.

Padčas śledstva abvinavačany, nieadnarazova źmianiajučy pakazańni, pryznaŭ vinu častkova. Jon śćviardžaŭ, što intym byŭ pa ŭzajemnaj zhodzie i ŭ horadzie, a nie ŭ lesie, potym nibyta była svarka, padčas jakoj jon i nanios dziaŭčynie ŭdary.

Śledčyja ž dakazali, što ŭsio heta adbyłosia ŭ lesie i było zhvałtavańnie. Na heta pakazvaŭ charaktar i łakalizacyja paškodžańniaŭ na abharełym ciele dziaŭčyny.

Abvinavačany raniej sudzimy nie byŭ, pracavaŭ hazaelektrazvarščykam na adnym z pradpryjemstvaŭ Bresta. U noč ździajśnieńnia złačynstva jon byŭ pjany. Jamu vystaŭlenaje abvinavačvańnie adrazu pa troch artykułach Kryminalnaha kodeksa krainy, i jon zaklučany pad vartu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?