Siarhiej Sacharuk. Skrynšot ź videa
Sacharuk adznačyŭ, što abnaŭleńnie techniki idzie pa niekalkich kirunkach. Heta madernizacyja na pradpryjemstvach Biełarusi i Rasii, zakupka armijaj sučasnych biełaruskich uzoraŭ i pastaŭka techniki z pradpryjemstvaŭ Rasii.
Načalnik upraŭleńnia źviarnuŭ uvahu, što ŭ biełaruskaje vojska ŭžo pastupili bronietransparciory BTR-82A, madernizavanyja tanki T-72B3 i bronietransparciory BTR-70mb, lohkabraniavanyja aŭtamabili «Drakon» i «Kajman» i inšyja ŭzory ŭzbrajeńnia.
Sacharuk rastłumačyŭ, što čym bolš u vojski pastupaje novych uzoraŭ techniki, tym bolš sastarełych adzinak adpraŭlajuć u arsienały i na bazy ŭzbrajeńnia. A tam technika madernizujecca, ramantujecca albo adpraŭlajecca ŭ rezierv.
Na dadzieny momant paviedamlajecca pra zaviaršeńnie pieraŭzbrajeńnia miechanizavanych i desantnych padraździaleńniaŭ. U pracesie pracy vyzvalilisia BMP, bronietransparciory i aŭtamabili savieckaj vytvorčaści.
U Minabarony adznačyli, što madernizacyja zakranie braniatankavuju techniku i niekatoryja ŭzory aŭtamabilnaj techniki na bazie vajenprama Rasii.
Čytajcie taksama:
Zaŭvažanyja novyja ešałony ź biełaruskaj vajskovaj technikaj. Ich honiać u Rasiju
Raźviedka Ukrainy: Rasija masava zavozić u Biełaruś drony, a vyvozić techniku i bojeprypasy
Biełaruskija čyhunačniki paćvierdzili: tanki ŭ Oršy — biełaruski stratehičny rezierv, jaki pierakidvajuć u Rasiju
Łukašenka pieradaje tanki Rasii?
